قازاقستاندا ونەركاسىپ ءوندىرىسى ەداۋىر ارتتى
بۇل تۋرالى بۇگىن ق ر ينۆەستيتسيالار جانە دامۋ مينيسترلىگى يندۋستريالىق دامۋ جانە ونەركاسىپتىك قاۋىپسىزدىك كوميتەتىنىڭ ءتوراعاسى الماس باتانوۆ ايتتى، دەپ حابارلايدى قازاقپارات ءتىلشىسى.
«جىل باسىنان بەرى، جالپى العاندا، جەتەكشىلىك ەتەتىن سالالار ونەركاسىپ ءوندىرىسىنىڭ جاعىمدى ءوسۋ ديناميكاسىن كورسەتتى. وسىلايشا، 2018 -جىلدىڭ جەتى ايىنىڭ قورىتىندىسى بويىنشا ونەركاسىپ ءوندىرىسىنىڭ كولەمى 5,1 پايىزعا، سونىڭ ىشىندە تاۋ- كەن ءوندىرۋ ونەركاسىبى 5,4, وڭدەۋشى ونەركاسىپ 4,9 پايىزعا ءوستى. تاۋ- كەن ءوندىرۋ سەكتورىندا تەمىر رۋداسىن ءوندىرۋ كولەمىنىڭ 7,4 پايىزعا وسكەنى بايقالادى. بۇل، «سوكولوۆ سارىباي تاۋ- كەن وندىرىستىك بىرلەستىگى» ا ق- نىڭ تەمىر رۋداسىن قىتاي حالىق رەسپۋبليكاسىنا جەتكىزۋ ەكسپورتىن ارتتىرا وتىرىپ، ءوز كولەمدەرىن 10 پايىزعا ۇلعايتۋىمەن بايلانىستى بولدى» ، - دەدى ول.
ونىڭ دەرەگىنشە، ءتۇستى مەتالدار كەنىن ءوندىرۋ كولەمى 3,1 پايىزعا ءوستى. بۇل ءوندىرۋ كولەمدەرىنىڭ قوسىمشا وسۋىمەن، سونداي- اق ءتيىستى تەحنولوگيالاردىڭ جوقتىعىنان، 70 جىل بويى وڭدەلمەگەن باقىرشى كەن ورنىن اعىمداعى جىلعى 26 - ماۋسىمدا ىسكە قوسۋمەن بايلانىستى بولدى. بۇگىندە بۇل قازاقستانداعى التىن قورى بويىنشا ەڭ ءىرى كەن ورىندارىنىڭ ءبىرى بولىپ تابىلادى. جوبا ارقىلىن 10 توننا التىن ءوندىرۋ كوزدەلۋدە.
«مەتاللۋرگيادا ءوندىرىس كولەمى 3,6 پايىزعا وسكەن. قارا مەتاللۋرگيادا فەرروقورىتپالار، ىستىقتاي يلەمدەۋ، بولات شارلار ءوندىرىسى كولەمدەرىنىڭ ارتۋى ەسەبىنەن ءوسىم 4,8 پايىزدى قۇرادى. ءتۇستى مەتاللۋرگيا وندىرىسىندەگى ءوسۋ وڭدەلمەگەن مىرىش، مىس، التىن، گلينوزەم، قولا جانە باسقا دا ءوندىرىستىڭ ارتۋى ەسەبىنەن 2,6 پايىز بولدى. مىسالى، «قازاقمىس كورپوراتسياسى» ج ش س التىن ءوندىرۋدى 31 پايىزعا ۇلعايتتى» ، - دەدى كوميتەت ءتوراعاسى.
ونىڭ دەرەگىنشە، اعىمداعى جىلدىڭ سوڭىنا دەيىن تازارتىلعان التىن ءوندىرۋ كولەمىن 20 تونناعا، قورعاسىن ءوندىرىسىن 20 مىڭ، اليۋميني قورىتپالارىن ءوندىرىسىن 20 مىڭ تونناعا ۇلعايتۋ كوزدەلىپ وتىر.
