ەلىمىزدە ونلاين- نەسيە الۋدىڭ تالاپتارى وزگەردى
2018 -جىلعى 16 - شىلدەدەن باستاپ ق ر ازاماتتىق كودەكسىمەن زايم كەلىسىمشارتىنىڭ ەرەكشەلىكتەرى بەلگىلەندى. شارت مىناداي تالاپتارعا جاۋاپ بەرۋگە ءتيىس:
- جەكە كاسىپكەر بولىپ تابىلمايتىن جەكە تۇلعا قارىز الۋشى بولىپ تابىلادى؛
- قارىز قازاقستان رەسپۋبليكاسىنىڭ ۇلتتىق ۆاليۋتاسىندا عانا بەرىلەدى؛
- قارىز شارتىندا ق ر ۇلتتىق بانكىنىڭ نورماتيۆتىك- قۇقىقتىق اكتىسىنە سايكەس ەسەپتەلگەن جىلدىق ءتيىمدى سىياقى مولشەرلەمەسى مىندەتتى تۇردە بولۋعا ءتيىس؛
- قارىز شارتى بويىنشا جىلدىق ءتيىمدى سىياقى مولشەرلەمەسى قارىزدى قايتارۋ مەرزىمى وزگەرگەن جاعدايدا دا بەرىلگەن قارىز سوماسىنىڭ 100 پايىزىنان اسپاۋعا ءتيىس؛
- قارىز شارتى بويىنشا قارىز سوماسىن قايتارۋ جانە سىياقىنى تولەۋ جونىندەگى مىندەتتەمەلەردى بۇزعانى ءۇشىن تۇراقسىزدىق ايىبىنىڭ (ايىپپۇلدىڭ، ءوسىمپۇلدىڭ) مولشەرى مەرزىمى وتكەن ءاربىر كۇن ءۇشىن ورىندالماعان مىندەتتەمە سوماسىنىڭ 0,5 پايىزىنان اسپايدى، ءبىراق بەرىلگەن قارىزدىڭ ءبىر جىلداعى سوماسىنىڭ 10 پايىزنان ارتىق ەمەس؛
- قارىز شارتى بويىنشا مىندەتتەمەلەر مەن تولەمدەردى كەز كەلگەن ۆاليۋتا بالاماسىنا بايلانىستىرا وتىرىپ يندەكستەۋگە جول بەرىلمەيدى؛
- قارىز شارتىنىڭ سىياقى، تۇراقسىزدىق ايىبى (ايىپپۇل، ءوسىمپۇل) ، كوميسسيالار جانە وزگە دە تولەمدەر مولشەرى تۋرالى تالاپتارى ولاردى ۇلعايتۋ جاعىنا قاراي وزگەرتىلمەۋى ءتيىس.
وسىلايشا، 2018 -جىلعى 16- شىلدەدەن كەيىن جاسالعان قارىز شارتىنىڭ تالاپتارى كورسەتىلگەن تالاپتاردىڭ كەز كەلگەنىنە سايكەس كەلمەگەن جاعدايدا، شارت تاراپتارى سوت ارقىلى مۇنداي شارتتى جارامسىز دەپ تانۋعا قۇقىلى. بۇل رەتتە شارتتى جارامسىز دەپ تانۋ بورىشكەردى مامىلە بويىنشا الىنعان اقشانى كرەديتورعا قايتارۋ مىندەتتەرىنەن بوساتپايتىنىن اتاپ وتكەن ءجون.
ۇلتتىق بانك ازاماتتىق كودەكستىڭ وسى بابى شەڭبەرىندە، ونىڭ ىشىندە ينتەرنەت ارقىلى (ونلاين كرەديتتەۋ) قارىز بەرەتىن كومپانيالاردىڭ قىزمەتىن رەتتەمەيدى.
ءباسپاسوز قىزمەتىنىڭ مالىمەتىنشە، ۇلتتىق بانكتىڭ سايتىندا جاقىن ارادا كالكۋلياتور ورنالاستىرىلادى، ول قارىز شارتى بويىنشا جىلدىق ءتيىمدى سىياقى مولشەرلەمەسىن ءوز بەتىنشە ەسەپتەۋگە مۇمكىندىك بەرەدى.
