روزا رىمبايەۆا: ەڭ ۇلكەن وكىنىشىم - تاسقىننىڭ ومىردەن ەرتە كەتكەنى
ونەردەگى العاشقى ۇستازى مارقۇم كۇيەۋى، پروديۋسەر تاسقىن وقاپوۆ ەكەنىن ايتقان ءانشىنىڭ ومىردەگى قايعى-قۋانىشى، وكىنىشى از ەمەس.
سونىڭ ىشىندەگى ەڭ ۇلكەن وكىنىشىم - تاسقىننىڭ ومىردەن ەرتە كەتكەنى، دەيدى روزا قۋانىش قىزى.
بۇل تۋرالى AIQYN گازەتى حابارلايدى.
قازاق ەستراداسىندا عانا ەمەس ت م د ەلدەرىندە دە وزىندىك ورنى بار ءانشى، حالىق ءارتىسى روزا رىمباەۆا 1999 -جىلى ەكىنشى ۇلى ماديگە جۇكتى كەزىندە ونەردە دە، ومىردە دە ۇستازى ساناعان كۇيەۋى تاسقىن وقاپوۆتان ايىرىلىپ قالعان ەدى. ارقا سۇيەر ەرىنىڭ قازاسىنان كەيىن ءانشى جالعىز ءوزى قيىندىقتىڭ ءبارىن ەڭسەرۋگە تىرىسقان. الايدا روزا قۋانىش قىزى ەكى بالاسىنىڭ اكەسىنىڭ ومىردەن ەرتە وزعانى ءالى كۇنگە دەيىن وزەگىن ورتەيتىنىن جاسىرمادى.
«ەڭ ۇلكەن وكىنىشىم - تاسقىننىڭ ومىردەن ەرتە كەتكەنى. ۇلدارى كوبىرەك ىزدەيدى. ۇلدارىنىڭ جىگىت بولعانىن كورمەگەنى - جانىمدى اۋىرتادى. قانشا قيىندىق كوردىم، قاجىماي- تالماي ەڭبەك ەتتىم. سول قيىندىقتىڭ بارىنەن ءوتۋ كەرەك بولدى. اللا دا سۇيگەن قۇلىنا سىناق بەرەدى ەكەن. بۇل دا ماعان بەرىلگەن سىناق شىعار. ال كونسەرتتىك ساحنا - ەڭ كيەلى ءدۇنيە. توي- تومالاققا قۇرمەتتەپ شاقىرسا عانا بارامىن. تويمەن كۇن كورىپ جۇرگەن ءانشى ەمەسپىن. مەنىڭ ونەرىمدى جوعارى باعالاعان توي يەسى سول ونەرىم ءۇشىن عانا شاقىرادى. قيىندىق كوردىم دەپ جاسىمايمىن. اسىپ- كەتتىم دەپ تە تاسىمايمىن. ەكى ۇل تۇرعاندا ءالى تالاي ەڭبەك ءەتۋىم كەرەك. سولار ءۇشىن تىرىسامىن، تالپىنامىن. بولدىم- تولدىم دەگەن ءارتىس سونىمەن توقتادى دەگەن ءسوز»، - دەيدى روزا رىمبايەۆا.
ءوز سوزىندە حالىق ءارتىسى قيىندىققا تاپ بولعان كەزدەرىنىڭ بارىندە روزا رىمبايەۆا دەگەن ەسىمىنىڭ ءوزى ەرەكشە كۇش- قۋات بەرگەنىن اتاپ ءوتتى. سوندىقتان ەسىمىمە داق تۇسىرمەۋگە بارىنشا كۇش سالدىم، دەيدى ول.
«تۋعان- تۋىستارىم، باۋىرلارىمنىڭ وزدەرى ماعان قاراپ وتىراتىن. تاسقىن جاعىنان دا باس كوتەرەرى - مەن. سوندىقتان قيىندىقتاردىڭ ءبارىن ەڭسەرۋگە تىرىستىم. روزا رىمبايەۆا دەگەن اتتىڭ ءوزى ۇلكەن كۇش ءبەردى. بۇل اتقا كىر شالدىرماۋعا تىرىستىم. ول ءۇشىن تەك ەڭبەك ەتۋ قاجەت بولدى. ءارقاشان دا ونەردى تەرەڭدەتە بەرۋ - باستى ماقساتىما اينالدى. ءبىر جاعىنان، قيىن كەزەڭدەردە كۇش-قۋات بەرگەن ونەرىم شىعار. سەنىڭ ونەرىڭدى كۇتىپ وتىرعان مىڭ سان كورەرمەن بار. ولار «روزا رىمبايەۆا جەسىر قالىپتى» دەپ اياعاندىقتان قارسى المايدى. ولار اۋەلى سەنىڭ شىعارماشىلىعىڭا باعا بەرەدى»، - دەيدى ءانشى.
سونداي-اق، ءانشى قيىن- قىستاۋ كۇندەرى وزىنە دەم بەرگەن قوس ۇلى ءالي مەن ءمادي ەكەنىن جاسىرمادى. ايتۋىنشا، ۇلدارى ونىڭ شالىس باسىپ، قاتەلەسۋىنە، كۇيزەلىسكە تۇسۋىنە جول بەرمەگەن.
«اللا ماعان انا بولۋ باقىتىن بۇيىردى. قيىندىق تا، قۋانعان دا كەزدەرىم كوپ. ەكى ۇلىم ءۇشىن كۇرەستىم. سولار ءۇشىن تالپىندىم، ەڭبەكتەندىم. سوسىن ەڭ قىمبات دۇنيەم - رويال. ەكەۋى دە تۋعاننان مۋزىكا مەكتەبىندە وقىدى. ۇشەۋمىز وتىرا قالعاندا ايتاتىن اڭگىمەمىز - ءبىر. پرينسيپتەرىمىز ۇقسايدى. ونەرگە بىرگە باعا بەرەمىز. ءبىزدى تاربيەلەپ كەلە جاتقان نارسە - وزىمىزگە سىن كوزىمەن قاراي الامىز. تالعامىمىز بار. سوندىقتان باقىتتى انا شىعارمىن. ەكى ۇلىم دا مەنىڭ الەمىمدە ءومىر ءسۇرىپ كەلەدى دەسەم، قاتەلەسپەيمىن»، - دەيدى روزا قۋانىش قىزى.
سونىمەن قاتار حالىق ءارتىسى ءوزىن كونسەرتتىك باعدارلامالاردان الىپ تاستاعان ساتتەرى از بولماعانىن جاسىرماي ايتتى.
«قاتتى كەدەرگى بولدى دەپ ايتا المايمىن. ءبىراق تالاي رەت كونسەرتكە شاقىرىپ تۇرىپ، الىپ تاستاعان ساتتەر كەزدەستى. «ءاليامدى» دا باسقا انشىگە ورىنداتقان كەزدەردى دە باستان وتكەردىم»، - دەيدى روزا رىمبايەۆا.
دەسە دە «ءتۇرلى كەدەرگىلەرگە دە، ساتقىندىققا دا ۇيرەندىم» دەگەن ءانشى ءوزىن ساقتاپ كەلە جاتقان ءوز ەسىمى ەكەنىن ايتتى.
