12:43, 16 - تامىز 2018 | GMT +5
قازاق بالاسى دۋبايدا وتكەن ويشا ەسەپتەۋ جارىسىندا توپ جاردى
دۋباي. قازاقپارات - بىرىككەن اراب امىرلىگىنىڭ دۋباي قالاسىندا 7 ەلدىڭ جاس وسپىرىمدەرى اراسىندا مەنتالدى اريفمەتيكادان سىنعا تۇسكەن قازاقستاندىق ءالياسقار كۋۆاتوۆ توپ جاردى، دەپ حابارلايدى قازاقپارات.
تامىز ايىنىڭ باسىندا دۋبايدا وتكەن حالىقارالىق جارىسقا 7 ەلدەن كەلگەن 15 جاسقا دەيىنگى 150 دەن استام بالالار قاتىسقان بولاتىن. جاس وسپىرىمدەر جارتى ساعاتتا 250 ءتۇرلى ەسەپتى ويشا ءارى جىلدام شىعارۋى ءتيىس ەدى.
بۇل مىندەتتى قازاقستاندىق ءالياسقار كۋۆاتوۆ ءمىنسىز ورىنداپ، ءار ەلدەن كەلگەن وقىتۋشىلاردىڭ ءوزىن تامساندىردى. ناتيجەسىندە پاۆلودارلىق ورەن گران-پري يەلەندى.
ايتا كەتۋ كەرەك، ءالياسقار بۇعان دەيىن مىسىردا وتكەن چەمپيوناتتا دا گران-پري العان. ال تۇركيادا ءبىرىنشى ورىن يەگەرى اتانعان ەدى.
