ترامپ كومەكشىسى رەسەي قاۋىپسىزدىك كەڭەسى حاتشىسىمەن كەزدەسەدى
بۇل جايىندا اق ءۇيدىڭ باسپا ءسوز حاتشىسى سارا ساندەرس حابارلادى. ونىڭ سوزىنشە، كەلىسسوزدە ۇلتتىق قاۋىپسىزدىك ماسەلەسى تالقىلانادى.
رەسەي پرەزيدەنتىنىڭ باسپا ءسوز حاتشىسى دميتري پەسكوۆ مۇنداي كەزدەسۋ جوسپاردا بارىن جانە وعان دايىندىق بولىپ جاتقانىن راستادى.
بولتون مەن پاترۋشيەۆتىڭ كەزدەسەتىنىن بۇعان دەيىن رەسەي قاۋىپسىزدىك كەڭەسىنىڭ اپپاراتى مەن سىرتقى ىستەر مينيسترلىگى مالىمدەگەن. رەسەي پرەزيدەنتىنىڭ كومەكشىسى يۋري ۋشاكوۆتىڭ سوزىنشە، تاراپتار رەسەي پرەزيدەنتى ۆلاديمير پۋتين مەن ا ق ش پرەزيدەنتى دونالد ترامپتىڭ كەلەسى كەزدەسۋىن تالقىلايدى.
ماۋسىمنىڭ سوڭىندا بولتون ماسكەۋدە پۋتينمەن جانە رەسەي سىرتقى ىستەر ءمينيسترى سەرگەي لاۆروۆپەن كەزدەسكەن. بولتون ساپارى كەزىندە رەسەيدىڭ ا ق ش- تاعى پرەزيدەنت سايلاۋىنا كيلىگۋى ماسەلەسىن قوزعاپ، ۆاشينگتون ماسكەۋدىڭ ۋكرايناداعى ساياساتىمەن كەلىسپەيتىنىن بىلدىرگەن. بولتوننىڭ ساپارىنان سوڭ ترامپ پەن پۋتين حەلسينكيدە كەزدەسكەن.
«ازاتتىق»
