قىتايلىق جۇمىسسىز ەر ادام قىزىنىڭ ەمى ءۇشىن ميلليونداعان جالعان اقشا جاسادى

استانا. قازاقپارات - قىتايدىڭ انحۇي پروۆينسياسىندا ەر ادام قىزىنىڭ ەمى ءۇشىن جالعان اقشا جاساۋعا ءماجبۇر بولعانىن ايتتى.

پوليتسەيلەر جۇمىسسىز ەر ادامنىڭ ءۇيىن تەكسەرىپ، ءۇش پرينتەردى تاپقان. ۇيدە 2,5 ميلليون يۋان جالعان اقشا بولعان.

26 جاستاعى ەر ادام قىزىنىڭ ەمىنە اقشا كەرەك ەكەنىن ايتقان. ول عالامتوردان قۇرىلعى جايلى وقىپ، ساتىپ العان. بىرنەشە رەت تاجىريبە جاساپ، اقشانى ساپالى جاساۋدى ۇيرەنگەن. 46 جاستاعى اكەسى قۇرىلعىمەن باسىپ شىعارىپ تۇرعان.

ولار بانكنوتتاردى جۇمساماي، ارزانعا ساتىپ وتىرعان. ماسەلەن، 100 يۋان قۇنىن 8 يۋانعا ساتقان. پاتەردى ءتىنتۋ بارىسىندا 240 مىڭ يۋان تابىلدى (13 ميلليون تەڭگەگە جۋىق).

ەكى جالعان اقشا جاساۋشىنى دا ۇستاپ اكەتتى. جالعان اقشالار كامپەسكەلەندى.