بايقال كولىنە باتىپ كەتكەن ۇشاقتىڭ اپاتقا ۇشىراعان ءساتى ۆيدەوعا ءتۇسىپ قالعان

استانا. قازاقپارات - كۋاگەرلەردىڭ Twin Bee 2335G گيدروۇشاعىنىڭ اۋەگە كوتەرىلە بەرگەن كەزىندە اپاتقا ۇشىراعان ءساتىن تۇسىرگەن ۆيدەو youtube-تە جاريالاندى، دەپ حابارلايدى قازاقپارات.

وتكەن دۇيسەنبى، 13 - تامىز كۇنى كەشقۇرىم اۋە كەمەسى بايقالداعى ولحون ارالى ماڭىندا اۋەگە كوتەرىلۋگە تىرىسقان.

بەينەروليكتىڭ كادرلارىنان ۇشاق جىلدامدىق ارتتىرۋ بارىسىندا قيىندىقتارعا دۋشار بولعانىن كورۋگە بولادى. اۋە كەمەسى ءبىر بۇيىرىنە اۋدارىلىپ، سۋعا باتىپ كەتكەن.

الدىن الا بەرىلگەن اقپاراتقا سايكەس، ۇشاقتى باسقارىپ كەلە جاتقان ەر ادامنىڭ ۇشۋعا رۇقساتى بولماعان.

قۇقىققورعاۋ ورگاندارىنىڭ قىزمەتكەرلەرى وقيعانىڭ ءمان- جايىن انىقتاپ جاتىر.