ايەلىمەن اجىراسىپ تاقىرعا وتىرعان ميلليونەر قاڭعىباسقا اينالىپ، جوعالىپ كەتتى
پول گرينۋولد حەدج-قوردىڭ مەنەدجەرى بولعاندا كوپ تابىس تاپتى. ونىڭ ايەلى نيۋ-يورك ۋنيۆەرسيتەتىنىڭ پروفەسسورى جانە تانىمال اسپازدىق كىتاپتىڭ اۆتورى بولدى.
ميلليونەردىڭ ومىرىندەگى قيىندىقتار ايەلىمەن بولعان جانجالدان كەيىن باستالدى. گرينۆالد سوتتىڭ شەشىمىنە قاراماستان ايەلىن اڭدىپ، ونى قۋدالاعان. 2009-جىلى ول قانداي دا ءبىر سىلتاۋمەن ايەلدى ۇيىنەن شىعارىپ، وعان سەس كورسەتىپ ايقايلاعان. سو كەزدە ايەلگە كوشەدەگى جولاۋشىلار اراشا ءتۇسىپ، قۇتقارىپ قالدى.
گرينۋولد ول ۋاقىتتا جۇمىسىنان شىعىپ كەتكەن، ءبىراق ءالى دە قالتالى ازامات بولدى. ول ەڭ ارزان نومىرلەردىڭ قۇنى تاۋلىگىنە 400 دوللار تۇراتىن «ۋولدورف-استوريا» ءساندى قوناق ۇيىندە تۇردى. دوستارى دا اراسىندا كومەك كورسەتىپ ءجۇردى.
دەگەنمەن، ونىڭ ءومىرىنىڭ اياق استى تاس-تالقانى شىقتى. ميلليونەر ايەلىنە شابۋىل جاساعاننان كەيىن سوت الدىندا جاۋاپ بەرىپ، ءتىپتى سۋديانىڭ ءوزىن بالاعاتتادى.
«مەن تۇسىنۋىمشە، ول بوستاندىققا شىققىسى كەلمەيتىنىن اشىق مالىمدەدى»، - دەپ ءتۇسىندىردى سۋديا.
مامانداردىڭ ۇسىنىسى بويىنشا ول تۇرمە تيپىندەگى پسيحياتريالىق اۋرۋحاناعا جىبەرىلدى. وسى جىلداردىڭ ىشىندە گرينۆالد ءبارىن جوعالتتى جانە سوڭعى ۋاقىتتارى مانحەتتەننىڭ ءۇيسىز تۇرعىندارىنا ارنالعان پاناسىزداردىڭ جەرىندە تۇردى. وتكەن اپتادا ول اۋرۋحاناعا ءتۇسىپ، وندا ەكى كۇن جاتقان. ءتۇننىڭ ءبىر ۋاعىندا اۋرۋحانادان كەتىپ قالعان بۇرىنعى ميلليونەر اياق استى ءىز-ءتۇسسىز جوعالىپ كەتتى. قازىر ونى پوليتسيا قىزمەتكەرلەرى ىزدەۋدە.
