گرانتقا تۇسە العان چەمپيوندار ماسەلەسى: مينيستر ءوز ۇستانىمىن ءبىلدىردى
«وكىنىشكە قاراي، اتالعان ماسەلە ءبىلىم جانە عىلىم مينيسترلىگىنىڭ قۇزىرەتىنە جاتادى. دەگەنمەن، ءبىز سپورتتا جەتىستىگى بار جاستار لايىقتى ءبىلىم الۋلارى قاجەت دەپ سانايمىز. سەبەبى ولار ەلىمىزدى حالىقارالىق دارەجەدە ناسيحاتتاپ ءجۇر. بۇل جەردە ءبىر نارسەنى ءتۇسىنۋ كەرەك، ادام بار كۇش-جىگەرىن سپورتقا سالىپ جاتسا، تەستكە دايىندالۋعا ۋاقىتى بولمايدى، قولى تيمەيدى. تومەن كورسەتكىشتەر دە سودان. سول سەبەپتى الداعى ۋاقىتتا ءبىز وسى ماسەلەنى ەسكەرۋىمىز كەرەك. ونداي ازاماتتاردىڭ ەڭبەگىنە قۇرمەتپەن قاراۋ قاجەت. ولاردىڭ جوعارى ءبىلىم الۋعا دەگەن قۇلشىنىسى مەنى قاتتى قۋانتادى. سپورتشىلار ءوز شەبەرلىگىن، ءوز ءبىلىمىن شىڭداۋعا تىرىسىپ جاتىر. وسىنى قولداۋىمىز قاجەت»، - دەدى ا. مۇحامەدي ۇلى جۋرناليستەرگە بەرگەن سۇحباتىندا.
ءمينيستردىڭ ايتۋىنشا، الداعى ۋاقىتتا ق ر ءبىلىم جانە عىلىم مينيسترلىگىمەن بىرگە ارنايى كوميسسيانى قۇرۋ جوسپارلانىپ وتىر. نەگىزگى ماقسات - بارلىق كەلىسپەۋشىلىكتەردى رەتتەپ وتىرۋ.
«ءبىز قول قۋسىرىپ وتىرعان جوقپىز. ءتيىستى جۇمىستى اتقارىپ جاتىرمىز. وسى ماسەلەنى ابىرويمەن شەشۋىمىز كەرەك. نەگىزى، قۇزىرەتتى مەملەكەتتىك ورگاندار سپورتتىڭ عانا ەمەس، ونەردىڭ دە، مادەنيەتتىڭ دە وزىندىك ەرەكشەلىكتەرىن ەسكەرسە ەكەن دەيمىز»، - دەپ اتاپ كورسەتتى ا. مۇحامەدي ۇلى.
