جەتىسۋلىق جاستار مال ساتۋعا ارنالعان سايت قۇراستىردى

تالدىقورعان. قازاقپارات - الماتى وبلىسى سارقان اۋدانىنىڭ جاستارى ءتورت تۇلىكتى ساۋدالاۋعا ارنالعان سايت قۇراستىردى. جاڭا پلاتفورمادا كەز- كەلگەن ادام مال ساتاتىنى جونىندە جارناما قالدىرا الادى،

 دەپ حابارلايدى قازاقپارات ءتىلشىسى.

جوبانى جاساۋشى اسلان كۇبەنتايەۆ پەن ءانۋار سالىمبەكوۆتىڭ سايتتى اشۋىنا تۇرعىنداردىڭ كۇندەلىكتى مال ساۋدالاۋدا كەزدەسەتىن قيىندىقتارى تۇرتكى بولعان.

«ءار اپتانىڭ سوڭىندا حالىق مالىن جەتەكتەپ، نەمەسە كولىك جالداپ مال بازارىنا اعىلادى. ول جەردە ورىن ءۇشىن قارجى شىعىندايدى. كۇنى بويى تۇرىپ، قويى نەمەسە سيىرى وتسە ءوتتى، وتپەسە قايتا جەتەكتەپ ۇيىنە قايتادى. سوندىقتان بارىنە ورتاق ماسەلەنى وسىلاي شەشكىمىز كەلدى»، - دەيدى سايت اۆتورى اسلان كۇبەنتايەۆ.

ال ديزاينەر ءانۋار سالىمبەكوۆ بۇل سايت تەك ءتورت تۇلىككە ارنالماعانىن ايتادى. ەل تۇرعىندارى سايت ارقىلى مالدان بولەك ءۇي قۇستارى مەن جانۋارلاردى، مال ازىعى مەن اۋىلشارۋاشىلىعىنا قاتىستى باسقا دا ونىمدەرىن ساۋداعا شىعارا الادى. ەڭ باستىسى قولىندا سمارتفونى نەمەسە كومپيۋتەرى بولۋى كەرەك.

قازىردىڭ وزىندە سايتتىڭ موبيلدى نۇسقاسىن 5 مىڭنان استام ادام جۇكتەپ العان. 300-دەن استام ازامات سايتقا تۇراقتى تىركەلگەن. ال تاۋلىگىنە 7-8 حابارلاندىرۋ ورنالاستىرىلادى.

وبلىس ورتالىعىنان 200 شاقىرىم جەردە ورنالاسقان سارقان قالاسىنىڭ جىگەرلى جاستارى وسىلايشا «سيفرلى قازاقستان» باعدارلاماسىنا ءوز ۇلەستەرىن قوسىپ وتىر. بولاشاقتا malbazar.su اۋىلشارۋاشىلىعىنا قاتىستى جاڭالىقتار مەن مەملەكەتتىك باعدارلامالارمەن تولتىرىلماق.