گولوۆكين «كانەلومەن» جاساسقان مامىلە تۋرالى ايتتى
«ارينە، مەن ريەۆانشتىڭ بولعانىن قالادىم، الايدا ماڭىزدى ماسەلەلەردىڭ قاتارىنا قوسقان جوقپىن. بۇعان «كانەلونىڭ» اقپان ايىندا ەكى دوپينگ- سىنامادان وتپەي قالۋى سەبەپ بولدى. مەن 5- مامىردا ۆانەس ماپتيروسياندى جەڭگەننەن كەيىن پروموۋتەرىم توم لەففلەرگە «كانەلومەن» ريەۆانش وتكىزۋ جونىندە جاڭا كەلىسسوزدەر جۇرگىزۋگە رۇقسات بەردىم.
«كانەلو» مەن «Golden Boy Promotions» مەنى 5- مامىردا بولماي قالعان ەكىنشى كەزدەسۋدىڭ شارتتارىمەن جۇدىرىقتاسادى دەپ ويلاپ، جاڭاسىن قويعانىما كوڭىلدەرى تولمادى. بۇعان «كانەلونىڭ» دوپينگ-سىنامالاردان وتپەي قالۋى سەبەپ بولعانىن مويىنداۋدان باس تارتتى. بۇل مەنىڭ ەمەس، ولاردىڭ كىناسى.
مەن جانە مەنىڭ كوماندام بىرىگىپ جۇمىس جاسايتىن سەرىكتەستەرىمىزبەن كاسىبي دەڭگەيدە ارالاسامىز. قانداي جاعداي بولماسىن سىيلاستىق تانىتامىز. الايدا «Golden Boy» ۇسىنىسىمدى ب ا ق- قا جاريالاپ، ماعان ءتىل تيگىزۋگە تىرىستى. باق وكىلدەرى، سەرىكتەستەر مەن جانكۇيەرلەر ولارمەن كەلىسىپ، ماعان شارتتارىن قابىلداتقىزۋ ءۇشىن قىسىم كورسەتە الادى دەپ ويلاعان بولۋى كەرەك.
«Golden Boy» ولاردىڭ «سوڭعى ۇسىنىسىن» قابىلداۋ ءۇشىن مەرزىم بەردى. بۇل جونىندە كوپ ايتىلىپ كەلدى. مەن WBO چەمپيونى بيللي دجو سوندەرسپەن تامىز ايىندا بوكستاسۋ تۋرالى كەلىسىم جاساسىپ قويعانمىن، ءدال سول ماقساتتا Big Bear- دە جاتتىعۋ جيىنىن باستاۋدى جوسپارلاپ ءجۇردىم. الايدا سوندەرستىڭ كومانداسىنا «كانەلو» شارتتارىمدى قابىلداعان جاعدايدا الۆارەسپەن ايقاساتىنىمدى جەتكىزدىم. ءبىز ادامدارمەن وسىلاي اشىق سويلەستىك. «Golden Boy» دان ءبىر ساعاتتان كەيىن ناقتى شەشىم كەلگەن بويدا تومعا ولار ءبىزدىڭ شارتتاردى قابىلدايتىنى تۋرالى حابارلاما كەلىپ، وسىمەن كەلىسىم جاسالدى»، - دەدى گولوۆكين.
گولوۆكين مەن الۆارەستىڭ العاشقى كەزدەسۋى 2017 -جىلعى 16- قىركۇيەكتە لاس-ۆەگاستە ءوتىپ، ادەلايدا بەردتىڭ «كانەلونىڭ» پايداسىنا قاراي قويعان 118-110 ەسەبىمەن تەڭ تۇسكەن ەدى. قارىمتا كەزدەسۋ ءدال سول جەردە وتەتىن بولادى. بوكسشىلار قىزۋ دايىندىق جۇرگىزىپ جاتىر.
