19:31, 14 - تامىز 2018 | GMT +5
د. ترامپ اسكەري بيۋدجەتكە قول قويدى
استانا. قازاقپارات - ا ق ش پرەزيدەنتى دونالد ترامپ 2019 -جىلعا ارنالعان اسكەري بيۋدجەتكە قول قويدى. بۇل ءراسىم فورت- درام اسكەري بازاسىندا وتكەن. جاڭا بيۋدجەت بويىنشا، ەل قورعانىسىنا 716 ميلليارد دوللار بولىنەدى. بۇل - سوڭعى 15 جىلداعى ەڭ جوعارى كورسەتكىش.
جاڭا زاڭ ا ق ش قارۋلى كۇشتەرىندە ساربازدار سانى مەن ولاردىڭ جالاقىسىن ارتتىرۋدى قاراستىرىپ وتىر. سونداي- اق بيۋدجەت بويىنشا عارىشتى اسكەري ماقساتتا قولدانۋعا جانە كيبەرقاۋىپسىزدىك قۇرالدارىنا قارجىلداندىرۋ وسەتىن بولدى.
دونالد ترامپتىڭ ايتۋىنشا، بۇل بيۋدجەت ا ق ش اسكەرىنە كەز كەلگەن جانجالدا جەڭىسكە جەتۋگە مۇمكىندىك بەرەدى.
دونالد ترامپ، ا ق ش پرەزيدەنتى:
- كەلەسى جىلى ەڭ ۇزدىك ۇشاقتار مەن كەمەلەر، تانكتەر مەن زىمىراندارمەن جابدىقتايمىز. الەمدە ولاردى بىزدەن ساپالى جاسايتىن ەل جوق. ارينە، اسكەرىمىز قۋاتتى. مىناۋ قارۋ- جاراقتىڭ ءبارى وزىمىزدە جاسالعان. دەمەك تۇرعىندارىمىز قوسىمشا جۇمىس ورىندارىمەن قامتىلعانىن دا ايتىپ كەتۋ كەرەك.
www.24.kz
