ايەلىمەن ۇرىسىپ قالعان ەر ادام ۇشاقپەن ءوز ۇيىنە سوعىلىپ، قايتىس بولدى
ال، سول ۋاقىتتا ۇيدە ونىڭ ايەلى مەن بالاسى بولعان، دەپ جازادى Stan.kz اقپاراتتىق اگەنتتىگى.
پوليسيانىڭ حابارلاۋىنشا، جەڭىل ۇشاقتى باسقارعان دۋەين يۋد اپات سالدارىنان قايتىس بولدى. ۇشاق قۇلاعان كەزدە ۇيگە دە زاقىم كەلگەن. ءبىراق، سوعان قاراماستان مارقۇمنىڭ ايەلى مەن بالاسى ەشقانداي زارداپ شەكپەدى.
اپاتقا ۇشىراعان ۇشاق دۋەين جۇمىس ىستەيتىن كومپانيعا تيەسىلى. تەرگەۋشىلەر ۇيىنە بارىپ سوعىلعان 47 جاستاعى امەريكالىق ازاماتتىڭ تاجىريبەلى ۇشقىش ەكەنىن دە ايتتى.
كەيىننەن، ونىڭ ماس كۇيىندە ايەلىنە شابۋىل جاساعانى بەلگىلى بولدى. ال، ولاردىڭ جانجالداسىپ جاتقانىن كورگەن كۋاگەرلەر پوليسيا شاقىرعان. ايەلىنە تاپ بەرگەن ەر ادام بىردەن تۇتقىنعا الىنعانىمەن، ءبىراق ءبىراز ۋاقىتتان كەيىن كەپىلدىكپەن بوساتىلىپ شىققان. وسىدان كەيىن ول فورك- سپرينگۆيلل اۋەجايىنا بارىپ، ۇشاققا وتىرىپ ۇيىنە قاراي باعىتتالعان.]
