استانا ورتالىعىنداعى جاڭا ساياباق قانداي بولادى؟
اكىمدىك وكىلدەرىنىڭ مالىمەتىنشە، سەرۋەندەپ دەمالۋ ءۇشىن ساياباق وسى كۇزدە اشىلادى. باس جوسپار بويىنشا ساياباق «ابۋ دابي پلازا» وسو مەن بوتانيكالىق ساياباقپەن شەكتەسىپ جاتقان اقمەشىت پەن تۇركىستان كوشەسىنىڭ اراسىندا ورنالاسقان.
«سونىمەن ساياباقتىڭ تەرريتورياسىنداعى تىكە جوسپار بويىنشا جۇمىستار اياقتالدى، جۇرەتىن جولداردىڭ استىڭعى قاباتىن بەتونمەن جانە قاتتى جامىلعىمەن جاپتى. جارتىلاي قۇيىلمالى سۋ قۇبىرىنىڭ قۇرىلىسى اياقتالدى، قازىر اعاش وتىرعىزۋ، فونتاننىڭ قۇرال- جابدىعىن مونتاجداۋ، جارىقتاندىرۋ تىرەكتەرى ورناتىلىپ جاتىر. قيىرشىق تاس توسەلگەن جولدار مەن اسفالت بەتون جامىلعىسىن توسەۋ بويىنشا دا جۇمىستار ءتامامدالۋعا جاقىن»، - دەلىنگەن اكىمدىكتىڭ حابارلاماسىندا.
ايتا كەتەيىك، لينەينىي ساياباعىنىڭ اۋماعىندا كوپقاباتتى بالالار الاڭى، سكەيت الاڭى، لابيرينتى بار بالالار الاڭى مەن باتۋت، قۇرعاق فونتان، كوشە سۋرەتشىلەرىنىڭ ايماعى، شاحمات وينايتىن ايماق، جاسىل ساياباق، ۇزىندىعى 2,2 ك م ۆەلوجول بار. ساياباقتىڭ قۇرىلىسى بارىسىندا ساپالى ماتەريالدار مەن قۇرال- جابدىقتار قولدانىلدى.
شاعىن ساۋلەتتىك فورمالار، بالالار ويىن كەشەنى، سكەيت-الاڭدار مەن باسقالارى دا - ءبارى ءوزىمىزدىڭ قازاقستاندىق ونىمدەر. ساياباقتىڭ اۋماعىنا 3 مىڭعا جۋىق اعاش پەن 48 مىڭنان استام بۇتالى قورشاۋ وتىرعىزىلادى.
«جىلى مەزگىلدىڭ اياقتالىپ كەلە جاتقانىنا بايلانىستى گۇلدەر مەن گازونداردى توسەۋ بويىنشا جۇمىستار بيىل جاسالمايدى. اتالعان جۇمىستار 2019 -جىلى كوكتەمگى ماۋسىمدا ورىندالادى. فونتاندى دا ازىرگە كونسەرۆىلەپ قويا تۇرامىز، ونىڭ دا اشىلۋى كەلەسى جىلدىڭ كوكتەمىندە ىسكە اسىرىلادى. ال قالعانىنىڭ ءبارى وسى كۇزدە حالىقتىڭ يگىلىگىنە ۇسىنىلادى»، - دەلىنگەن رەسمي حابارلامادا.
