ەڭ قاۋىپتى سمارتفوندار بەلگىلى بولدى
مامانداردىڭ ايتۋىنشا، جۇيەدەگى اقاۋلار قۇرىلعىنىڭ 25 ۇلگىسىندە انىقتالعان.
ولاردىڭ ءبىرقاتارى تەرىس پيعىلدىلاردىڭ ديەۆايستارعا root قولجەتىمدىلىك الۋىنا مۇمكىندىك بەرەتىن اقاۋلارعا الىپ كەلەدى. ال ەڭ قاۋىپتى قاتەلەر حاكەرلەرگە قاۋىپسىزدىگى بۇزىلعان تەلەفوننان حابارلامالار جولداۋعا، ەكران ارقىلى فوتو جانە ۆيدەو تۇسىرۋگە، تەلەفون نومىرلەرىن كوشىرۋگە جانە كەز كەلگەن باعدارلامالاردى بايقاتپاي ورناتۋعا مۇمكىندىك بەرەدى.
مۇنداي اقاۋلار Vivo, SKY، Plum, Orbic, Oppo, MXQ، Leagoo, Doogee جانە Coolpad كومپانيالارىنىڭ ارزان قۇرىلعىلارىندا انىقتالعان. سونىمەن قاتار، ساراپشىلار LG G6, Sony Xperia L1, Nokia 6 جانە ASUS ZenFone 3 Max سەكىلدى تانىمال اندرويدتاردان دا قاۋىپتى قاتەلەر تاپقان.
«نارىقتا ۇيالى تەلەفونداردىڭ جۇزدەگەن ۇلگىسى بار جانە باعدارلامالىق جاساقتامانىڭ مىڭداعان نۇسقاسى كەزدەسەدى. سوندىقتان، قولمەن جاسالعان ەشقانداي تەستىلەۋ مەن باعالاۋلار تەلەفوندا الدىن الا ورناتىلعان قوسىمشالار مەن جاساقتامالارداعى ولقىلىقتى تۇزەتۋگە انىقتاۋ بويىنشا پروبلەمانى شەشە المايدى» ، - دەدى Kryptowire باس ديرەكتورى انگەلوس ستاۆرۋ.
Baq.kz
