انكارا تۇركيانىڭ قارجى نارىعىن تۇراقتاندىرادى
«13 - تامىز تۇنىنەن باستاپ ۇكىمەت بانك جۇيەسىنىڭ قۇرىلىمدارىمەن بىرىگىپ ۇلتتىق ۆاليۋتا باعامىنىڭ تۇراقسىزدىعى اسا قاتتى سەزىلەتىن سەكتوردى تۇراقتاندىرۋعا كومەكتەسەتىن جۇيەنى جۇزەگە اسىرا باستادى» ، - دەپ جازدى البايراك Twitter پاراقشاسىندا.
مينيستر وتاندىق نارىقتى قولداۋ ءۇشىن بارلىق جاعداي جاسالاتىنىن ايتتى. دەگەنمەن اتالمىش شارالاردىڭ بانك سالىمدارىنا قاتىسى بولمايدى.
قارجى ءمينيسترىنىڭ مالىمدەۋىنشە، بانكتىڭ ەسەپشوتتارىندا ساقتالاتىن ۆاليۋتا تۇرىك ليراسىنا اۋدارىلمايدى جانە نارىقتى دۇرلىكتىرىپ، شۋ شىعارۋعا تىرىسقان ادام زاڭ جۇزىندە جاۋاپ تارتاتىن بولادى.
«ءبىز ءۇشىن بيۋدجەتتىك ءتارتىپتى ورناتۋ ماڭىزدى. ماقسات ايقىن. قارجى مينيسترلىگى بيۋدجەتتەن تىس شىعىندارعا قاتىستى ماسەلەلەردە ارتقا شەگىنبەيدى. بۇل جونىندە بارلىق قۇرىلىمدار مەن بانكتەرگە حابار بەردىك» ، - دەپ جازدى البايراك.
مينيستر ۇكىمەتتىڭ نارىق قاتىسۋشىلارىنا قاتىستى بارلىق ءادىس- تاسىلدەرى ءۇش ۇستانىمعا نەگىزدەلىپ جاسالاتىنىن جەتكىزدى.
«ءونىمنىڭ تەحنولوگيالىلىعى مەن ۇستەمە قۇنى قانشالىقتى جوعارى؟ ەكسپورت جاسالادى ما؟ فيرما تۇركياداعى شوتتىڭ جەتىسپەۋشىلىگىن ەسكەردى مە؟ بۇل ۇستانىمدار ۇكىمەت ءۇشىن وتە ماڭىزدى. بۇعان ەشكىمنىڭ كۇمانى بولماسىن. ءبىز حالىقتىڭ، ۇتىمدى ساياسات پەن ناقتى پوزيتسيا ارقاسىندا ساتتىلىككە جەتەمىز» ، - دەدى البايراك.
