14:16, 13 - تامىز 2018 | GMT +5
دانيال احمەتوۆ وسكەمەن اكىمىنە جۇمىستان ءوز ەركىمەن كەتۋدى ۇسىندى
استانا. قازاقپارات - شىعىس قازاقستان وبلىسىنىڭ اكىمى دانيال احمەتوۆ وسكەمەن اكىمى قۋات تۋمابايەۆقا جۇمىستان كەتۋدى ۇسىندى. بۇل تۋرالى YK- News.kz-كە سىلتەمە جاساپ، Tengrinews حابارلايدى.
مۇنداي ۇسىنىستى دانيال احمەتوۆ وبلىس اكىمدىگىنىڭ وتىرىسى كەزىندە مالىمدەدى. «مەنىڭشە، قۋات تۋمابايەۆتىڭ وسىنداي جوعارى لاۋازىمدا وتىرۋعا مورالدىق قۇقىعى جوق. مەن وعان ءوز ەركىمەن جۇمىستان كەتۋ تۋرالى ارىز جازۋدى ۇسىندىم»، - دەدى دانيال احمەتوۆ.
ايتا كەتكەن ءجون، قۋات تۋمابايەۆ ريددەردە ادام ولىمىمەن اياقتالعان جول اپاتىنىڭ كۋاگەرى بولعان ەدى. جول- كولىك وقيعاسى 2018 -جىلدىڭ 15- ساۋىرىندە شامامەن ساعات 21.00-دە بولدى. كەيىنىرەك وسكەمەن اكىمىنىڭ ادام قاققان شەنەۋنىكتىڭ كولىگىندە بولعانى انىقتالدى. جول اپاتىنان ەر ادام قازا تاپقان ەدى. وسىعان دەيىن مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل دەپارتامەنتىنىڭ ەتيكا جونىندەگى كەڭەسىندە تۋمابايەۆتىڭ قىزمەتىنە تولىقتاي سايكەس ەمەستىگىن مالىمدەگەن ەدى.
www.24.kz
