11:50, 13 - تامىز 2018 | GMT +5
قازاقستاندىق بوكسشى بەلگىسىز مەرزىمگە بوكستان شەتتەتىلدى
استانا. قازاقپارات - BoxRec.com پورتالىنداعى اقپاراتقا قاراعاندا، جارتىلاي ورتا سالماقتا ونەر كورسەتەتىن قازاقستاندىق شىڭعىسحان ءتاجىبايدى نيۋ-يورك شتاتىنىڭ اتلەتيكالىق كوميسسياسى بوكستان شەتتەتتى، دەپ حابارلايدى Sports.kz.
بوكسشىنىڭ ديسكۆاليفيكاتسياسىنىڭ مەرزىمى قاشانعا دەيىن سوزىلاتىندىعى انىقتالماعان، ياعني ول بەلگىسىز مەرزىمگە بوكستان شەتتەتىلگەن. شىڭعىسحانعا ديسكۆاليفيكاتسيا بەرىلۋىنىڭ سەبەبى دە انىق ەمەس.
ول 24- تامىز كۇنى تسينتسينناتي (ا ق ش، وگايو شتاتى) قالاسىندا جەكپە-جەك وتكىزۋى ءتيىس ەدى، ەندى ول كەزدەسۋ بولمايدى.
قازاقستاندىق بوكسشى سوڭعى رەت ءساۋىر ايىندا امەريكالىق ايزەك فريمەندى (3-7-1, 3 ك و) جەڭگەن ەدى.
