بيىلعى جىلدىڭ ەڭ ناشار سمارتفوندارى
سىنشىلار رەيتينگكە اككۋمۋلياتور قۋاتتىلىعى ناشار جانە ىشكى جاد كولەمى از سمارتفونداردى كىرگىزگەن.
تىزىمگە Samsung, LG سياقتى بەدەلدى برەندتەر ەنگەن. ءتىزىمنىڭ العاشقى ەكى باعانىنا قىتايلىق كومپانيالاردىڭ ونىمدەرى جايعاستى.
سونىمەن، بيىل شىققان سمارتفونداردىڭ اراسىنداعى ەڭ ناشارى ول - Huawei Honor 9 Lite.
بۇل قۇرىلعىنىڭ رەيتينگتە كوش باستاۋىنا ىشكى جادتىڭ نەبارى 32 گ ب بولۋى، ناشار باتارەيامەن جۇمىس ىستەۋى جانە تاعى بىرنەشە فاكتورلار اسەر ەتتى.
ال ەكىنشى ورىنعا تاعى ءبىر قىتايلىق كومپانيانىڭ ءونىمى جايعاستى. ول - Vivo V9.
ساراپشىلار زەرتتەۋ جۇمىسىنىڭ ناتيجەسى بويىنشا، بۇل تەلەفوننىڭ ساپاسى باعاسىنا ساي كەلمەيدى. ودان بولەك، بۇلىڭعىر كامەرا، تومەن ساپامەن جاسالعان پلاستيك قاپتاما، microUSB- گە ارنالعان ەسكى پورت تەلەفوننىڭ نەگىزگى كەمشىلىكتەرى دەپ تانىلدى.
ۇشتىككە ايگىلى Samsung كومپانياسىنىڭ Galaxy A8 سمارتفونى كىردى. جوعارىدا ايتىلعان كەمشىلىكتەر بۇل سمارتفوندا دا قايتالاندى. سونىمەن قاتار، ەكران جارىعىنىڭ تومەن بولۋى ايگىلى برەندتىڭ ابىرويىنا نۇقسان كەلتىردى.
LG G7 ThinQ فلاگمانى ءتورتىنشى ورىنعا جايعاستى. بۇل سمارتفوننىڭ ىشكى قۇرىلىمىنان كوپتەگەن اقاۋلار بايقالىپ، تۇتىنۋشىلار تاراپىنان كوپتەگەن ارىز تۇسكەن. ءتىپتى، تەلەفون جارامسىز كۇيىندە ساتىلعان جاعدايلار دا ورىن العان.
ەڭ ناشار تەلەفونداردىڭ الدىڭعى بەستىگىن LG Q7+ قورىتىندىلادى. سمارتفوننىڭ باستى كەمشىلىگى - نەگىزگى كامەرانىڭ جارىق از تۇسكەن اۋماقتا سۋرەتكە ساپاسىز ءتۇسىرۋى.
Massaget.kz
