تۇركيا دوللاردان باس تارتۋعا بەل بۋدى

 استانا. قازاقپارات - تۇركيا قىتاي، رەسەي، يران جانە ۋكراينا سياقتى ءىرى ساۋدا سەرىكتەستەرىمەن ۇلتتىق ۆاليۋتادا ەسەپ ايىرىسۋعا دايىندالىپ جاتىر.

بۇل تۋرالى ەل باسشىسى تايپ ەردوعان تۇركيا- امەريكالىق قارىم-قاتىناسىنداعى داعدارىس اياسىندا مالىمدەدى.

ا ق ش پرەزيدەنتى دونالد ترامپ جۇما كۇنى تۇركيادان كەلەتىن اليۋميني مەن بولاتقا باج سالىعىن ەكى ەسە كوتەرۋ تۋرالى شەشىم شىعارىلعانىن مالىمدەگەن، سانكسيا بويىنشا اليۋمينيگە 20 پايىز، ال بولاتقا 50 پايىز، بۇل ءوز كەزەگىندە تۇرىك ليراسىنىڭ تاريحي مينيمۋمىنا دەيىن السىرەۋىنە اكەپ سوقتى.

ليرا دوللارىنا 6,62 دەڭگەيىنە جەتىپ، ءبىر تاۋلىكتىڭ ىشىندە 20 پايىزعا قۇنىن جوعالتقان. ا ق ش پەن تۇركيانىڭ قارىم-قاتىناسى سوڭعى كەزدە ۋشىعىپ وتىر، وعان ەل بيلىگىنىڭ امەريكالىق پاستور ەندريۋ برانسوندى 2016-جىلى ۇستاعانى وتقا ماي قۇيعانداي بولدى.

وتكەن اپتادا ا ق ش قارجى مينيسترلىگى «ادام قۇقىعىن ورەسكەل بۇزدى» دەگەن ايىپپەن تۇركيا ادىلەت ءمينيسترى ابدۋلحاميت گيۋل مەن ءى ءىم  باسشىسى سۇلەيمان سويلۋعا قاتىستى سانكسيا شىعارعان ەدى.

«ءبىز تۇركيا قىتاي، رەسەي، يران جانە ۋكراينا سياقتى ءىرى ساۋدا سەرىكتەستەرىمىزبەن ۇلتتىق ۆاليۋتادا ەسەپ ايىرىسۋعا دايىندالىپ جاتىرمىز. ەۋروپا ەلدەرى دوللاردان باس تارتقىسى كەلسە، انكارا ولارمەن دە وسىنداي ەسەپ ايىرىسۋعا دايىن»، - دەدى ريزا قالاسىندا ءسوز سويلەگەن ەردوعان. ونڭ ءسوزىن Anadolu اگەنتتىگى كەلتىرىپ وتىر.

Kaz.tengrinews.kz