جەڭىلىپ كورمەگەن قازاقستاندىق بوكسشى حالىقارالىق رەيتينگتەن شىعىپ قالدى
رەيتينگتەگى ەلىمىزدىڭ جالعىز وكىلى قانات يسلام (25-0، 20 ك و) بولىپ قالا بەرەدى. ول ءبىرىنشى ورتا سالماق دارەجەسى تىزىمىندە سەگىزىنشى ورىندى ساقتاپ قالدى. بۇعان دەيىن سەگىزىنشى ورىندا كەلە جاتقان جارتىلاي ورتا سالماق دارەجەسىندەگى جانقوش تۇراروۆ (22-0، 15 ك و) توپ-15-تەن شىعىپ قالدى. مانسابىن اياقتاعان جانات جاقيانوۆ (27-2، 18 ك و) تا اسا جەڭىل ديۆيزيون رەيتينگىنىڭ تىزىمىندە بۇدان بىلاي بولمايدى.
يسلام مەن تۇراروۆ قازىرگى تاڭداعى سوڭعى جەكپە-جەكتەرىن بيىل 9 -قىركۇيەكتە وتكىزگەن بولاتىن. قانات كەشتىڭ ماڭىزدى كەزدەسۋىندە تەحنيكالىق نوكاۋتپەن كانادالىق برەندون كۋكتى (20-1، 13 ك و) جەڭسە، جانقوش تورەشىلەردىڭ ءبىراۋىزدان قابىلداعان شەشىمىنىڭ ناتيجەسى بويىنشا ارگەنتيكالىق برۋنو لەوناردو رومايدان (21-5، 18 ك و) باسىم ءتۇستى.
ال جاقيانوۆتىڭ مانسابىنداعى سوڭعى جەكپە-جەگى 21 قازاق كۇنى بەلفاستا (سولتۇستىك يرلانديا) ءوتتى. ول كەزدە قازاقستاندىق تورەشىلەردىڭ شەشىمىمەن جەرگىلىكتى بوكسشى رايان بارنەتتەن (19-0، 9 ك و) جەڭىلىپ، WBA نۇسقاسى بويىنشا الەم چەمپيونى تيتۋلىنان ايىرىلعان ەدى.
