الماتىعا كەلگەن ساياحاتشى كۇنىنە قانشا اقشا جۇمسايدى

استانا. قازاقپارات - الماتىدا ساياحاتشىلار اراسىندا جۇرگىزىلگەن زەرتتەۋ ناتيجەسى تانىستىرىلدى، دەپ حابارلايدى قازاقپارات ءتىلشىسى.

«ساۋالناما مامىر ايىندا عانا جاسالدى. ساياحاتشىنىڭ سوڭعى كەسكىنىنىڭ سۇلباسى ءالى جوق. سەبەبى بۇل زەرتتەۋدى بارلىق ماۋسىمدى قامتۋ ءۇشىن جىل بويى جۇرگىزۋ قاجەت. ساياحاتشىلار ماۋسىمنان ماۋسىمعا وزگەرىپ وتىرادى. جازدا كوبىنە وتباسىلىق، قىستا تاۋ شاڭعىسى، كۇزدە بيزنەس- ساياحاتشىلار، ال كوكتەمدە ەكوتۋريزم ءجيى بولادى. ال قازىرگى ارالىق ناتيجە سانالادى»، - دەدى «Visit Almaty» الماتى قالاسىنىڭ تۋريستىك- اقپاراتتىق ورتالىعىنىڭ ديرەكتورى كاميلا لۇقپانوۆا.

زەرتتەۋ ناتيجەسىندە الماتىعا ساياحاتتاپ كەلگەن ساياحاتشىنىڭ ءبىر كۇندە قانشا اقشا جۇمسايتىندىعى ەسەپتەپ شىعارىلعان.

اتاپ ايتقاندا، وڭتۇستىك استاناعا كەلگەن وتاندىق ساياحاتشىلار كۇنىنەن ورتاشا ەسەپپەن 55، ال رەسەيلىك قوناقتار 80-90 دوللار جۇمسايدى. ازيا ەلدەرىنەن كەلگەن تۋريستەر تاۋلىگىنە 130-150، ەۋروپالىقتار 180-190 دوللار قالدىرادى.