19:06, 10 - تامىز 2018 | GMT +5
قازاقستان قۇراماسى پرەزيدەنت كۋبوگىندا ەكىنشى مارتە ويسىراي جەڭىلدى
استانا. قازاقپارات - پرەزيدەنت كۋبوگى ويىندارىنىڭ ەكىنشى كۇنىن قازاقستان قۇراماسى مەن حاباروۆسكىنىڭ «امۋر» كومانداسىنىڭ ماتچى اشتى، دەپ حابارلايدى «SPORTINFORM» .

العاشقى ەكى كەزەڭدە قوناقتار يگور رۋدەنكوۆتىڭ كۇشىمەن شايبادان ءبىراق سوقتى. قورىتىندى بولىمدە كۋدرياۆتسيەۆتىڭ قاقپاسىنا تاعى دا شايبا سوعىلدى. پاۆەل تۋربين مەن ۆياچەسلاۆ ۋشەنين ەسەپتى 4:0 گە جەتكىزدى. وكىنىشكە وراي، قازاقستاندىقتار لايىقتى جاۋاپ قايتارا المادى.
ەسكە سالايىق، ويىنشىلاردىڭ ءبىراز بولىگى «بارىس» ءۇشىن ويناعاندىقتان، قۇراما تۋرنيرگە ىقشامدالعان قۇرامدا قاتىسقان ەدى. سول سەبەپتەن كوماندانى اندرەي سكابەلكا ەمەس، يۋري ميحايليس باسقاردى. ءتۋرنيردىڭ العاشقى ويىنىندا كوماندا نيجنەكامستىك «نەفتەحيميكتەن» جەڭىلىس تاپتى.
19:30 دا ەلوردالىق مۇز ايدىنىنا «بارىس» پەن پرەزيدەنت كۋبوگىنىڭ قازىرگى يەگەرى «نەفتەحيميك» كوماندالارى شىعاتىن بولادى. ەكەۋى دە جاقىندا ءوز ماتچتارىنىڭ جەڭىمپازدارى اتانعان.