ءۇش جاسار قىز اپاسىنىڭ ءدارىسىن ءىشىپ كوز جۇمدى

 استانا. قازاقپارات - اپاسىنىڭ ءدارىسىن ىشكەن ەكىنشى بالانىڭ ءومىرى ءۇشىن دارىگەرلەر كۇرەسىپ جاتىر، دەپ حابارلايدى ria.ru سايتى.

پودموسكوۆەدە كىشكەنتاي ەكى بالا اپاسىنىڭ سومكەسىندەگى ءدارىنى ءىشىپ، سونىڭ سالدارىنان 3 جاستاعى قىز كوز جۇمسا، ءتورت جاستاعى ۇل اۋرۋحانادا اۋىر حالدە جاتىر.

9 - تامىزدا ساياجايلاردىڭ بىرىنەن ەس- ءتۇسسىز جاتقان ەكى بالانى اۋرۋحاناعا جەتكىزىلگەن. ولاردىڭ ءبىرى ءۇش جاسار قىز بولسا، ەكىنشىسى ءتورت جاستاعى ۇل. وقيعا ورنىنا جەتكەن مەديتسينالىق ماماندار قىز بالانىڭ كوز جۇمعانىن انىقتاعان، ال ۇل بالا اۋىر حالدە اۋرۋحانادا جاتىر. اتالعان فاكتى بويىنشا سوتقا دەيىنگى تەرگەۋ امالدارى باستالدى.

«الدىن الا بولجام بويىنشا، بالالار ساياجايدا اناسى، اپاسى جانە كامەلەتتىك جاسقا تولماعان ەكى اپكەلەرىمەن بولعان. ۇلكەندەردىڭ نازارىنان تىس قالعان ءساتتى پايدالانعان ولار سومكەدەن اپاسىنىڭ ءدارىسىن الىپ، ءىشىپ قويعان» ، - دەلىنگەن حابارلامادا.

Baq.kz