قازاقستاندا ازاماتتار لوت ارقىلى جۇمىسقا ورنالاستىرىلادى

استانا. قازاقپارات - ەلىمىزدەگى جۇمىسسىز ازاماتتار لوت ارقىلى ەڭبەكپەن قامتىلادى.

بۇل جونىندە Astana Hub اۋماعىندا ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ سيفرلاندىرۋ كۇنىندە اتالعان ۆەدومستۆونىڭ ۆيتسە-ءمينيسترى ناريمان مۇقىشەۆ مالىمدەدى، دەپ حابارلايدى Baq.kz ءتىلشىسى.

«ءبىز سالانى سيفرلاندىرۋ ماسەلەسىندە IT كومپانيالارمەن تىعىز جۇمىس جاسايمىز. سەبەبى، ءبىز اۆتوماتتاندىرۋ- سيفرلاندىرۋ ەنگىزگىمىز كەلەتىن تۇستاردا IT- نارىقتاعىلاردىڭ ءوز ۇسىنىستارى بولۋى مۇمكىن. ولار ناقتى شەشىمدەردى ورىنداي الۋى مۇمكىن. مۇنىڭ قاراپايىم مىسالى رەتىندە ەلەكتروندى ەڭبەك بيرجاسىن اتاۋعا بولادى. ياعني، قازاقستاندا جۇمىس ىزدەگەن ازاماتتار جۇمىسپەن قامتۋ ورتالىعىنا كەلەدى. ال ءبىز بوس ورىندار جايلى اقپاراتتىڭ ءبىرىڭعاي فورماتتا سايتتان الۋ ءۇشىن ونىڭ بارلىعىن ورتالىقتاندىرىپ، ونلاين ىسكە قوسامىز. بۇكىل قازاقستان بويىنشا جينالاتىن وسى مالىمەتتەردى ءبىز قازىر جۇمىسقا ورنالاستىرۋمەن اينالىساتىن كومپانيالارمەن بولىسۋگە دايىنبىز»، - دەدى ۆيتسە-مينيستر.

ۆەدومستۆو اقپاراتى بويىنشا، بۇگىنگى كۇنى ە ە ب قىزمەتىن 58 مىڭ جۇمىس بەرۋشى مەن 22 مىڭ جۇمىس ىزدەۋشىلەر پايدالانعان. سونداي-اق، ەەب ارقىلى 203 مىڭ ازامات جۇمىسقا ورنالاستىرىلىپ، ونىڭ بازاسىندا 36 مىڭ بوس ورىن مەن 91 مىڭ تۇيىندەمە جاريالانعان.

«ەلەكتروندى ەڭبەك بيرجاسى قازىر جۇمىس ىستەپ جاتىر. الايدا، ونىڭ اياسىندا ءبىرقاتار جاڭا باعىتتار اشىپ جاتىرمىز. سونىڭ مىسالى رەتىندە «ساعاتتار اۋتسورسينگى» جوباسىن اتاۋعا بولادى. ءبىز جۇمىسقا ورنالاستىرۋ تەتىگى بويىنشا لوت ارقىلى نارىققا شىعارامىز. ياعني، «ەگەر مىنا ازاماتتاردى جۇمىسقا ورنالاستىراتىن بولساڭىز، ءبىز سىزگە اقشا تولەيمىز» دەيتىن بولامىز»، - دەدى مۇقىشەۆ.

ونىڭ ايتۋىنشا، اتالعان جوبا شامامەن وسى جىلدىڭ قازان ايىندا ىسكە قوسىلاتىن بولادى.

«ياعني، enbek.kz سايتىندا بىلىكتىلىك دارەجەسى كورسەتىلگەن ازاماتتاردى جۇمىسقا ورنالاستىرۋعا ارنالعان بەلگىلى ءبىر لوت ورنالاستىرىلادى. سونداي- اق، ول ازاماتتار تۇراقتى جۇمىسقا ورنالاستىرىلعان جاعدايدا مەملەكەت تولەيتىن قاراجات كولەمى دە كورسەتىلەدى. ولاردىڭ تۇراقتى جۇمىسقا ورنالاستىرىلۋى ماڭىزدى. ءبىر- ەكى اي جۇمىس ىستەپ، ودان سوڭ جۇمىستان بوساتىلۋى جارامسىز. بۇل جوبا جىل سوڭىندا، شامامەن قازان ايىندا ىسكە قوسىلادى»، - دەدى ءمينيستردىڭ ورىنباسارى.

سونىمەن قاتار، ق ر ە ح ا ق مينيسترلىگى بەرگەن اقپاراتقا سايكەس، قازىرگى ۋاقىتتا 45 جەكەمەنشىك جۇمىسپەن قامتۋ اگەنتتىگى ەلەكتروندى ەڭبەك بيرجاسىن قولدانىپ وتىر. 2018 -جىلدىڭ قاڭتار- تامىز ايلارى ارالىعىندا ولار 8182 بوس ورىندى جاريالاعان.