ەلباسىنىڭ تاپسىرماسىمەن قۇقىق قورعاۋ جۇيەسىن جاڭعىرتۋ ءجۇرىپ جاتىر

الماتى. قازاقپارات - قازاقستاندا مەملەكەت باسشىسى نۇرسۇلتان نازاربايەۆتىڭ تاپسىرماسىمەن قۇقىق قورعاۋ جۇيەسىن جاڭعىرتۋ ءجۇرىپ جاتىر، دەپ حابارلايدى قازاقپارات ءتىلشىسى.

بۇل تۋرالى الماتىدا وتكەن قوعامدىق كەڭەس وتىرىسىندا ق ر پرەزيدەنتى اكىمشىلىگىنىڭ قۇقىق قورعاۋ جۇيەسى ءبولىمىنىڭ مەڭگەرۋشىسى الەكسەي كالايچيدي ايتتى.

«مەملەكەت باسشىسىنىڭ 30- مامىرداعى قاۋىپسىزدىك كەڭەسىندەگى تاپسىرماسىنا سايكەس 3 جۇمىس توبى قۇرىلدى. بۇل جۇمىس توپتارى قۇقىق قورعاۋ جانە سوت جۇيەسىن جاڭعىرتۋمەن اينالىساتىن بولادى. قارۋلى كۇشتەر قۇرىلىمىن رەفورمالاۋ - وتە كۇردەلى پروتسەسس. بۇل پروتسەسس وتە تەرەڭ تالداۋعا نەگىزدەلۋى ءتيىس. پروگرەسس ءبىر ورىندا تۇرمايدى. كەشە ءتيىمدى بولعان نارسە بۇگىن قاجەتى جوق بولۋى مۇمكىن. قوعامدىق كەڭەس مۇشەلەرىنە ايتقان ۇسىنىستارى ءۇشىن العىس ايتامىن»، - دەدى الەكسەي كالايچيدي.

ونىڭ ايتۋىنشا، قوعامدا شەشىلۋى كەزەك كۇتتىرمەيتىن اسا ماڭىزدى ماسەلەلەر - پوليتسياعا سەنىمنىڭ ارتۋى، ءى ءى و جەدەلدىگىنىڭ تومەندىگى، قىلمىس سانىنىڭ ارتۋى، تاعى باسقا ماسەلەلەر قوعامدىق كەڭەس بەرگەن ۇسىنىستاردا انىق كورىنىس تاپقان.

پ ءا وكىلى جۇمىس توبىنىڭ وسى ۋاقىت ارالىعىندا اتقارعان جۇمىسى تۋرالى باياندادى.

ايتا كەتۋ كەرەك، قوعامدىق كەڭەس ق ر ءى ءى م رەفورمالاۋ تۋرالى ۇسىنىسىن پرەزيدەنت اكىمشىلىگىنە باعىتتاعان بولاتىن.