الماتىدا بارلىق قىلمىستىڭ ۇشتەن ءبىرىن سىرتتان كەلگەندەر جاسايدى - الماتى پروكۋرورى

الماتى. قازاقپارات - الماتىدا اكىمدىكتە وتكەن قوعامدىق كەڭەس مۇشەلەرى مەن ءى ءى د قىزمەتكەرلەرىنىڭ وتىرىسىندا الماتى پروكۋرورى بەرىك جۇيرىكتايەۆ قالاداعى قىلمىس تۋرالى ستاتيستيكالىق دەرەكتەردى كەلتىردى، دەپ حابارلايدى قازاقپارات ءتىلشىسى.

«الماتى - ەلىمىزدىڭ اسا ءىرى قارجى، ءبىلىم، مادەني ورتالىعى. ىشكى جانە سىرتقى كوشى-قون كورسەتكىشتەرى ارتىپ كەلەدى. بۇگىندە قۇقىق بۇزۋشىلىقتىڭ %20 الماتىعا تيەسىلى. قىلمىستىق جاۋاپكەرشىلىككە تارتىلعانداردىڭ %31 باسقا وڭىردەن كەلگەندەر نەمەسە شەتەلدىك ازاماتتار(5626 ادامنىڭ 1785 ءى) »، - دەدى پروكۋرور.

سونىمەن قاتار، پروكۋرور ادامنىڭ جەكە تۇلعاسىنا جاسالعان قىلمىسقا قارسى كۇرەس ءالى دە قاناعاتتانارلىق دەڭگەيدە ەمەستىگىن ايتتى. مۇنداي قىلمىستار %4 عا، توناۋشىلىق %18 عا ارتقان. سونىمەن قاتار، كامەلەتتىك جاسقا تولماعانداردىڭ اراسىنداعى قىلمىس %6 عا ارتقان. جىل باسىنان بەرى 2,5 مىڭ جول وقيعاسى تىركەلگەن. وندا 3 مىڭ ادام جاپا شەكسە، 75 جاعداي قايعىلى جاعدايدا اياقتالدى.

«الماتىدا كولىك قوزعالىسى وتە وزەكتى. ءبىراق بۇل قولىمىزدى سىلتەي سالدىق دەگەن ءسوز ەمەس. بارلىق قىلمىستاردىڭ 70 پايىزى - بوتەننىڭ مۇلكىن ۇرلاۋ. وسى قىلمىستاردان 2 ميلليارد تەڭگەگە جۋىق شىعىن كەلتىرىلدى»، - دەدى ب. جۇيرىكتايەۆ.

الايدا، پاتەر توناۋ مەن ۇيالى تەلەفونداردى جىمقىرۋ سايكەسىنشە %31 جانە %14 عا قىسقارعان،

ال كولىك ۇرلاۋ دەرەگى %9,5 عا ارتتى.

الماتى پروكۋرورى قالالىق ءى ءى د وكىلدەرىنە جۇمىستى جاقسارتۋ باعىتىندا ءبىرقاتار نۇسقاۋلىقتار بەردى.

«ۇرلىق قىلمىستارىن اشۋعا بار كۇشتى سالۋ كەرەك. ۇرلانعان زاتتاردى ساتىپ، اقشا جاساۋ جولدارىن دا كەس-كەستەگەن ءجون. مەملەكەت باسشىسىنىڭ قۇقىق بۇزۋشىلىققا - ءنول توزىمدىلىك تۋرالى تاپسىرماسىن بەلسەندى ورىنداۋ كەرەك»، - دەدى ب. جۇيرىكتايەۆ.