10:28, 10 - تامىز 2018 | GMT +5
وڭتۇستىك كورەيا مەن سولتۇستىك كورەيا باسشىلارى تاعى كەزدەسۋى مۇمكىن
استانا. قازاقپارات - وڭتۇستىك كورەيا مەن سولتۇستىك كورەيا باسشىلارى تاعى كەزدەسۋى مۇمكىن.
تامىزدىڭ 13- كۇنى ەكى ەلدىڭ جوعارى لاۋازىمدى وكىلدەرى پحانمۋندجوم شەكارا بەكەتىندە باس قوسىپ، ءساۋىر ايىنداعى سامميتتىڭ شەشىمدەرىن جۇزەگە اسىرۋ ماسەلەسى مەن قوس مەملەكەت باسشىلارىنىڭ قايتا كەزدەسۋىن تالقىلاماق.
بۇل تۋرالى وڭتۇستىك كورەيالىق «ريەنحاپ» اقپارات اگەنتتىگى حابارلادى. ەسكە سالا كەتەيىك، وڭتۇستىك كورەيا پرەزيدەنتى مۋن چجە ين مەن سولتۇستىك كورەيا باسشىسى كيم چەن ىن ءساۋىردىڭ 27- كۇنى وسى پحانمۋندجوم شەكارا بەكەتىندە كەزدەسىپ، بىرلەسكەن مالىمدەمە جاساعان بولاتىن. سونداي- اق جۇزدەسۋدە كيم چەن ىن بيىل كۇزدە وڭتۇستىك كورەيا استاناسى پحەنيانعا ساپارمەن بارۋعا ۋادە ەتكەن ەدى.
www.24.kz
