دانيار ەلەۋسىنوۆتىڭ كەلەسى كەزدەسۋى وتەتىن كۇن بەلگىلى بولدى

«كەلەسى جەكپە-جەك قازان ايىنا جوسپارلانعان»، - دەپ جازدى بوكسشى.

ەسكە سالا كەتەيىك، جەرلەسىمىز 4- تامىز كۇنى كارديففتەگى (ۋەلس) Ice Arena Wales ارەناسىندا وتكەن بوكس كەشىندە ماجارستاندىق گابور گوربيچتى (24-12، 14 ك و) جەڭگەن بولاتىن. تورەشىلەر التى راۋندتىڭ بارلىعىندا قازاقستاندىق بوكسشىنىڭ ۇپايى سانى باسىم بولعانىن كورسەتتى: 60-54. دەگەنمەن دانيار جەكپە-جەك قورىتىندىسىنا كوڭىلى تولماي، كەزدەسۋدى مەرزىمىنەن بۇرىن اياقتاۋدى جوسپارلاعانىن بىلدىرگەن.

سودان كەيىن ەلەۋسىنوۆتىڭ BoxRec.com سايتىنداعى رەيتينگى شارىقتاپ، بىردەن 75 ساتى جوعارىلادى.