قاراعاندىلىق شارۋالار ساندىق تەحنولوگيامەن كارتوپ وسىرۋدە

قاراعاندى. قازاقپارات - نۇرا اۋدانىنداعى شارۋا قوجالىقتارى كارتوپ وسىرۋدە ساندىق تەحنولوگيالاردىڭ تولىق كەزەڭىن ەنگىزدى، دەپ حابارلايدى قازاقپارات.

قاراعاندى وبلىسى اكىمىنىڭ ورىنباسارى سەرىك شايداروۆ جۇمىس ساپارىمەن نۇرا اۋدانىندا بولىپ قايتتى. ول ءىرى ءداندى-داقىلداردى ەگۋشى كاسىپورىندار - «شاحتەرسكوە» جانە «پرجيەۆالسكوە» ج ش س، جانە دە «ەگىندى» اۋىلدىق وكرۋگىنىڭ شارۋاشىلىق قوجالىقتارىن ارالادى.

2018-جىلى نۇرا اۋدانىندا 237 مىڭ گەكتار القاپقا ءداندى-داقىلدار ەگىلگەن. سونىڭ 922 گەكتارىنا كارتوپ سالىنعان، وتكەن جىلمەن سالىستىرعاندا بۇل كورسەتكىش %22,6 ارتقان.

اۋدان ديقانشىلارى ەگىستىكتەردى مينەرالدى تىڭايتۋعا كوپ كوڭىل بولە باستاعان. زاماناۋي تەحنولوگيالار كوپ مولشەردە ءونىم الۋعا كومەكتەسەدى. اۋىل شارۋاشىلىعىن وندىرۋشىلەر ەگىستىك جاعدايىنىڭ جاقسارعانىن اتاپ وتۋدە.

شارۋاشىلىق بەلسەندى تۇردە ىلعالدى ساقتاۋ تەحنولوگيالارىن قولدانىپ، تەحنيكا پاركىن جاڭارتۋدا. بيىل 6 زاماناۋي كومباين مەن ەكى جاڭا تراكتور ساتىپ الىنعان.

 «شاحتەرسكوە» ج ش س رەسپۋبليكامىزدا قولدانىلىپ جاتقان اگرووناركاسىپ كەشەنىن ساندىق جۇيەگە اۋىستىرۋ بويىنشا باعدارلاما اياسىنداعى «دالمە ءدال ەگىنشىلىك» تەحنولوگياسىن ەنگىزۋ بويىنشا پيلوتتى جوباعا قاتىسۋدا. كاسىپورىن جاقىندا كارتوپ وسىرۋمەن اينالىسا باستاعان جانە بۇل باعىتتاعى ىستەرى ءساتتى بولۋدا. ونىمدىلىك ءبىر گەكتاردان 400 سەنتنەرگە دەيىن جەتكەن. مۇنداي ناتيجەگە كارتوپ وسىرۋدە ساندىق تەحنولوگيالاردىڭ تولىق كەزەڭىن ەنگىزۋ كومەكتەسكەن.

2017-جىلى «شاحتەرسكوە» ج ش س زاماناۋي جابدىقتارمەن جابدىقتالعان 8000 توننالىق كارتوپ ساقتاۋ قويماسى پايدالانىلا باستادى. بۇگىنگى تاڭدا 12000 توننالىق تاعى ءبىر قويمانىڭ قۇرىلىسى ءجۇرىپ جاتىر، جوبانىڭ قۇنى - 1,2 ميلليارد تەڭگە.

وبلىس اكىمىنىڭ ورىنباسارى اۋدان بولىمشەلەرىنىڭ جەتەكشىلەرىمەن، اۋىل جانە كەنت اكىمدەرىمەن جيىن وتكىزدى، وندا اۋىل شارۋاشىلىعىن دامىتۋ ماسەلەلەرى قارالدى. ول ەت وندىرۋدە ينديكاتيۆتى كورسەتكىشتەرگە جەتۋ بويىنشا، اۋىل شارۋاشىلىعىنا ينۆەستيتسيالار تارتۋ جانە ۆەتەرينارلىق قاۋىپسىزدىكتى قامتاسامىز ەتۋ بويىنشا ءبىرقاتار تاپسىرمالار بەردى.