ەلوردادا ءبىلىم سالاسىنداعى تاپشى ماماندار بەلگىلى بولدى

استانا. قازاقپارات - استانادا تامىز ايىندا ءاربىر سەنبى سايىن ءبىلىم مەكەمەلەرىنىڭ قىزمەتكەرلەرىنە ارنالعان ەڭبەك جارمەڭكەسى وتەدى، دەپ حابارلايدى قازاقپارات ەلوردا اكىمدىگىنىڭ سايتىنا سىلتەمە جاساپ.

قازىرگى تاڭدا استانادا بالاباقشا تاربيەشىسى، باستاۋىش سىنىپ مۇعالىمى، ورىس جانە اعىلشىن، ادەبيەت، ماتەماتيكا پاندەرىنىڭ ۇستازدارى جەتىسپەيدى. تامىز ايىنىڭ ءاربىر سەنبىسىندە وسى تاپشى ماماندارعا ارنالعان ەڭبەك جارمەڭكەسى وتكىزىلەدى.

العاشقى جارمەڭكە 11- تامىزدا 31№ مەكتەپ-گيمنازيا (كەنەسارى كوشەسى 49) جانە 84№ مەكتەپ-ليتسەيىندە (ۇلى دالا داڭعىلى 7/1) وتكىزىلەدى.

جارمەڭكە ساعات 10:00 دە باستالىپ ساعات 13:00 دە اياقتالادى.

ايتا كەتەرلىگى، ەڭبەك جارمەڭكەسى ءاربىر سەنبى ۇيىمداستىرىلادى (تامىز ايىنىڭ 11، 18، 25). قازىرگى ۋاقىتتا قالادا بالاباقشا تاربيەشىسى، باستاۋىش سىنىپ مۇعالىمى، ورىس جانە اعىلشىن، ادەبيەت، ماتەماتيكا پاندەرىنىڭ ۇستازدارى تاپشى.

ەلوردا مەكتەپتەرىندە جاس پەداگوگتار ءۇشىن باستى ىنتالاندىرۋشى سەبەپ - حوستەل نەمەسە جاتاقحانادان ورىن بەرىلۋى. ارى قاراي جاس ۇستازداردىڭ وتباسىلارىنا ارنالىپ شاعىن پاتەرلەر سالۋ كوزدەلىپ وتىر.