كولۋمبيا پالەستينانىڭ تاۋەلسىزدىگىن مويىندادى

استانا. قازاقپارات - كولۋمبيا پالەستينانى «ەركىن، ەگەمەندى مەملەكەت» دەپ تانىپ، ونىڭ تاۋەلسىزدىگىن مويىنداعان ەلدەردىڭ قاتارىنا قوسىلدى.

مۇنداي شەشىمدى بيلىكتەن كەتىپ جاتقان پرەزيدەنت حۋان مانۋەل سانتوس تامىزدىڭ 3- كۇنى قابىلداعان. بۇل تۋرالى وسى ەلدەگى پالەستينا ەلشىلىگى مالىمدەدى. ولاردىڭ ايتۋىنشا،

رەسمي بوگوتانىڭ مۇنداي قادامى تاياۋ شىعىستاعى بەيبىتشىلىكتىڭ ورناۋىنا وڭ ىقپال ەتەدى. الايدا كولۋمبيادا تامىزدىڭ 7- كۇنى بيلىك باسىنا كەلگەن جاڭا پرەزيدەنت يۆان دۋكە ەكس- پرەزيدەنتتىڭ شەشىمىن تەرەڭ تالقىدان وتكىزەتىنىن ايتىپ وتىر. ال يزرايل بيلىگى رەسمي بوگوتانىڭ بۇل قادامىن وداقتاس ەلدىڭ «كۇتپەگەن سوققىسى» دەپ باعالادى.

ايتا كەتەيىك، پالەستينانى قازىرگە دەيىن الەمنىڭ 135 ەلى تاۋەلسىز مەملەكەت رەتىندە تانىعان. ءبىراق ول ب ۇ ۇ- عا مۇشە ەمەس. سەبەبى، قاۋىمداستىق قاۋىپسىزدىك كەڭەسىنىڭ ءۇش تۇراقتى مۇشەسى -  ا ق ش، فرانسيا جانە  ۇلى بريتانيا ونىڭ ەگەمەندىگىن ءالى مويىنداماي كەلەدى. ال جالپى پالەستينا تاۋەلسىزدىگىن العاش بولىپ يسلانديا 2011 -جىلى تانىعان ەدى.

www.24.kz