الماتىدا «باراحولكا» بازارىنان شىققان ءورت ءسوندىرىلدى

الماتى. قازاقپارات - الماتىدا «باراحولكا» بازارىنان شىققان ءورت ءسوندىرىلدى، دەپ حابارلايدى قازاقپارات ءتىلشىسى.

ءتىلسىز جاۋ 100 شارشى مەتر اۋماقتى شارپىعان.

«ءورت ساعات 17:25-تە ءسوندىرىلدى. الماتى گارنيزونىنىڭ ءورت سوندىرۋشىلەرى ءورتتىڭ جاپسارلاس تۇرعان ساۋدا نۇكتەلەرىنە جايىلۋىن الدىن الدى. ءورتتى سوندىرۋگە جەكە قۇرامنىڭ 60 قىزمەتكەرى، 18 تەحنيكا جۇمىلدىرىلدى»، - دەدى قالالىق ت ج د باسپا ءسوز حاتشىسى ساندۋعاش بايمۇحامبەتوۆا.

ايتا كەتۋ كەرەك، «باراحولكا» بازارىنداعى بايسات بازارى ورتەنىپ جاتقانى تۋرالى حابارلاما ساعات 16.26-تە 101 كەزەكشى پۋلتىنە تۇسكەن. ساۋدا ۇيىندە ويىنشىق، تەحنيكالىق قۇرالدار، ىدىس- اياق ساتىلادى.