قازگيدرومەت: تاعى ءۇش وبلىستا كۇن بۇزىلادى

استانا. قازاقپارات - قازاقستاننىڭ ءۇش وبلىسىندا اۋا رايىنا بايلانىستى ەسكەرتۋ جاريالاندى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.

10 -تامىز كۇنى كۇندىز شىعىس قازاقستان وبلىسىندا اپتاپ ىستىق بولادى. اۋا تەمپەراتۋراسى 30-35 گرادۋسقا كوتەرىلىپ، وڭتۇستىك- شىعىستان سوققان جەلدىڭ جىلدامدىعى 15-20 م/س- قا جەتەدى.

10 -تامىزدا سولتۇستىك قازاقستان وبلىسىندا جەل سولتۇستىك- باتىستان سەكۋندىنا 15-20 مەتر جىلدامدىقپەن سوعادى. كۇندىز كەي جەرلەردە كۇن كۇركىرەپ، جاڭبىر كۇشەيەدى، بۇرشاق جاۋۋى ىقتيمال.

پەتروپاۆلدا 10 -تامىزدا سولتۇستىك- باتىستان سوققان جەلدىڭ ەكپىنى سەكۋندىنا 15-20 مەترگە دەيىن جەتەدى، نايزاعاي جارقىلدايدى. كۇندىز بۇرشاق جاۋۋى مۇمكىن.

قىزىلوردا وبلىسىندا 10-11 -تامىز كۇندەرى كەي جەرلەردە بۇرشاق جاۋىپ، جەل الدىمەن سولتۇستىك- شىعىستان، سولتۇستىكتەن 15-20 م/س جىلدامدىقپەن سوعادى، ەكپىنى 25 م/س- قا دەيىن جەتۋى مۇمكىن.

10-12 -تامىز كۇندەرى قىزىلوردا وبلىسىنىڭ كەي جەرلەرىندە نايزاعاي وينايدى.

10 -تامىز كۇنى كۇندىز وبلىستىڭ باسىم بولىگىندەگى اۋا تەمپەراتۋراسى 42 گرادۋسقا دەيىن جەتەدى.