رەسەي: ا ق ش- تىڭ سكريپال ءىسى بويىنشا سانكسيا سالۋى - قاتىگەزدىك
ەلشىلىك تاراتقان مالىمدەمەسىندە «ماسكەۋ سەرگەي سكريپال مەن ونىڭ قىزىن س س س ر تۇسىندا دايىندالعان اسكەري «نوۆيچوك» ۋىمەن ۋلادى» دەگەن تۇجىرىمدى «ويدان شىعارىلعان» دەپ، ۆاشينگتون دا، ۇلى بريتانيا بيلىگى دە بۇعان دالەلىن كورسەتپەگەنىن ايتادى.
ەلشىلىك رەسەي ا ق ش مەملەكەتتىك دەپارتامەنتىنە سكريپال ىسىنە قاتىستى ۇستانىمىن بىلدىرگەنىن جانە سولسبەريدە جاسالعان قىلمىستى شىنايى تەرگەۋگە، كىنالىلەردى جاۋاپقا تارتۋعا شاقىرعانىن مالىمدەدى.
«ءبىز وسى ماسەلە بويىنشا ۇستانىمىزدى جاريالاۋعا شاقىردىق» دەلىنگەن ەلشىلىك مالىمدەمەسىندە.
ا ق ش مەملەكەتتىك دەپارتامەنتى 8 - تامىزدا سكريپال ىسىنە قاتىستى رەسەيگە سانكسيا سالاتىنىن، ونىڭ 22 - تامىزدان باستاپ كۇشىنە ەنەتىنىن مالىمدەگەن. ول بويىنشا، رەسەيگە ۇلتتىق قاۋىپسىزدىك سالاسىندا قولدانىلاتىن تاۋارلار، ونىڭ ىشىندە اۆياتسيادا قولدانىلاتىن ەلەكتروندىق قۇرىلعىلاردى ەكسپورتتاۋعا تىيىم سالىنادى.
ەگەر ماسكەۋ ءۇش اي ىشىندە حيميالىق قارۋ قولدانبايتىنىنا كەپىلدىك بەرمەسە جانە حالىقارالىق ينسپەكتورلاردى تەكسەرۋگە جىبەرمەسە، وندا قوسىمشا سانكسيا سالىنباق. سانكسيانىڭ ەكىنشى كەزەڭىندە «ايەروفلوت» كومپانياسىنىڭ ا ق ش- قا ۇشۋىنا تىيىم سالۋ جانە ەكىجاقتى ساۋدا- ساتتىق كولەمىن بارىنشا ازايتۋ كوزدەلىپ وتىر.
ا ق ش- تا 1991 -جىلى قابىلدانعان حيميالىق جانە بيولوگيالىق قارۋ تۋرالى زاڭ بويىنشا، ۆاشينگتون قانداي دا ءبىر بيولوگيالىق نەمەسە حيميالىق قارۋ قولدانعان ەلگە شەكتەۋ شارالارىن قولدانادى.
2018 -جىلى 4 - ناۋرىزدا سەرگەي سكريپال مەن يۋليا سكريپال سولسبەريدە ساياباقتا ەس- ءتۇسسىز كۇيىندە تابىلىپ، اۋرۋحاناعا تۇسكەن. اۋرۋحانادا ۇزاق ۋاقىت ەمدەلىپ شىققان سوڭ ولار كۇزەتكە الىنعان. ۇلى بريتانيا بيلىگى قازىر ولاردىڭ قايدا ەكەنىن ايتپايدى.
لوندون سكريپالدەردىڭ س س س ر تۇسىندا جاسالعان اسكەري «نوۆيچوك» ۋىنان ۋلانعانىن ايتىپ، ونى رەسەي قولداندى دەپ بىلەدى. ماسكەۋ سكريپالدەردى ۋلاۋعا قاتىسى بارىن جوققا شىعارادى.
ا ق ش- تىڭ رەسەيگە ۇلى بريتانيادا رەسەيلىك بۇرىنعى بارلاۋشى سەرگەي سكريپالگە حيميالىق قارۋ قولدانعانى ءۇشىن سانكسيا سالاتىنى تۋرالى حابارى الەمدىك نارىقتا رۋبل مەن رەسەيلىك اكسيا جانە وبليگاتسيالار قۇنىن كۇرت ءتۇسىرىپ جىبەردى.
رەسەي ۆاليۋتاسىنىڭ دوللارعا شاققانداعى باعامى 3,1 پايىزعا قۇلدىراپ، ءبىر دوللار 65 رۋبل 55 تيىن بولدى. بۇل - 2015 -جىلدىڭ قاراشاسىنان بەرگى ەڭ تومەنگى كورسەتكىش. 9 - تامىزدا ازياداعى قور نارىقتارىندا دا رۋبل باعامى تومەندەدى.
ر ت س يندەكسى 8 - تامىزدا 3 پايىزعا ارزاندادى. رۋبل مەن رەسەيلىك اكسيالار جانە وبليگاتسيالار بۇعان دەيىن دە ب ا ق- تا ا ق ش كونگرەسمەندەرى رەسەيدىڭ ا ق ش- تاعى سايلاۋعا ىقتيمال كيلىككەنىنە جاۋاپ رەتىندە «اۋىر سانكسيالار» سالۋدى ۇسىنعانىن حابارلاعان سوڭ- اق اقىرىنداپ ارزانداي باستاعان.
كونگرەسمەندەر ۇسىنعان زاڭعا وزگەرىستەر جوباسىندا رەسەيدىڭ سىرتقى قارىزىنا قاتىستى سانكسيا سالۋ قاراستىرىلعان. بۇل رەسەي ەكونوميكاسىنا اۋىر سوققى بولىپ ءتيۋى مۇمكىن. الايدا، قارجى ساراپشىلارى كونگرەسس زاڭ جوباسىن ءدال وسى كۇيىندە قابىلداپ، وعان پرەزيدەنت دونالد ترامپ قول قويۋى ەكىتالاي دەپ ەسەپتەيدى. «سىرتقى قارىزعا قاتىستى سانكسيا - سوڭعى تەتىك بولماق. سانكسيا كورپوراتيۆتىك وبليگاتسيالار مەن جەكە ادامدارعا سالىنۋى ابدەن مۇمكىن» دەدى Bloomberg اگەنتتىگىنە بەرگەن كوممەنتاريىندە AllianceBernstein ينۆەستيتسيالىق كومپانياسىنىڭ دامۋشى نارىقتاردىڭ باعالى قاعازدارى جونىندەگى ديرەكتورى شامايلا حان.
www.azattyq.org
