ۆيتسە-مينيستر: مەكتەپ ديرەكتورلارى جاڭا ادىسپەن تاعايىندالادى

قاسكەلەڭ. قازاقپارات - ق ر ءبىلىم جانە عىلىم ۆيتسە-ءمينيسترى اسحات ايماعامبەتوۆتىڭ مەكتەپتەردى اككرەديتتەۋ جانە مەكتەپ ديرەكتورلارىن تاعايىنداۋ تۋرالى ايتتى، دەپ حابارلايدى قازاقپارات ءتىلشىسى.

ۆيتسە-ءمينيستردىڭ ايتۋىنشا، مينيسترلىك «دارىن» رەسپۋبليكالىق عىلىمي-تاجىريبەلىك ورتالىعى ءۇشىن مىندەتتەر ءتىزىمىن كەڭەيتەدى. ەندى وندا تەك بايقاۋ جانە وليمپيادالار وتكىزۋمەن قاتار، دارىندى بالالاردىڭ ارنايى مەكتەپتەرىنىڭ جۇمىسى دا ۇيلەستىرىلەدى.

«ءبىز مەكتەپ ديرەكتورلارىن تاعايىنداۋ ەرەجەلەرىنە وزگەرىس ەنگىزدىك. ەندى ءبىلىم باسقارمالارى مەن بولىمدەرى مەكتەپتەردىڭ ديرەكتورلارىن دەربەس تاعايىنداي المايدى، ولار «دارىن» ورتالىعىمەن ورتاق كەلىسىمگە كەلۋگە مىندەتتى. يننوۆاتسيالىق-ءبىلىم بەرۋ ليتسەيلەرىندە وزىنە ءتان قۇندىلىقتارى بار. ءبىلىم باسقارمالارىنداعى ارىپتەستەرىمىز كادرلىق ماسەلەلەردى وزدىگىنەن شەشپەك بولعان، ال ليتسەيلەردىڭ وزدەرى باسقا پىكىردە. ءبىز دە جاڭا ەرەجەلەر ارقىلى وسى ماسەلەنى شەشەمىز. «KATEV» حالىقارالىق قوعامدىق قورى يننوۆاتسيالىق- ءبىلىم بەرۋ ليتسەيلەرىنىڭ جۇمىسىن ۇيلەستىرىپ وتىرعاندىقتان، ديرەكتورلاردى تاعايىنداۋ ماسەلەسىندە ءوز پىكىرىن ءبىلدىرۋى قاجەت. باسقا مەكتەپتەر بويىنشا دا ءدال سولاي، بۇل رەتتە «دارىن» ورتالىعىمەن كەڭەسۋ قاجەت»، - دەدى اسحات ايماعامبەتوۆ سۇلەيمەن دەميرەل ۋنيۆەرسيتەتىندە وتكەن تامىز كەڭەسىندە.

قازاقستاندا بۇگىنگى تاڭدا دارىندى بالالارعا ارنالعان 131 مامانداندىرىلعان مەكتەپ بار. مينيسترلىك ولاردىڭ بارلىعىنا حالىقارالىق اككرەديتتەۋدەن ءوتۋدى ۇسىنىپ وتىر.