الماتى قوقىس سۇرىپتاۋ كەشەنى تەستىلەۋ رەجيمىندە ىسكە قوسىلدى

 الماتى. قازاقپارات - قوقىس سۇرىپتاۋ زاۋىتى ازىرشە تەحنيكالىق تارتىپتە جۇمىسىن باستادى، دەپ حابارلايدى قازاقپارات ءتىلشىسى.

 جالپى قۇنى 5,4 ميلليارد تەڭگە بولاتىن بۇل جوبا جەكە ينۆەستيتسيالار ەسبىنەن جۇزەگە استى.

«كەشەننىڭ وندىرىستىك قۋاتىنا كەلسەك، جىلىنا 550 مىڭ توننا قوقىستى قۇرايدى. زاۋىت جوباسىندا الماتىنىڭ قاتقىل تۇرمىستىق قالدىقتارىنىڭ جالپى كولەمى جانە الداعى بەس جىلداعى كولەمى دە ەسكەرىلگەن. قازىر مەگاپوليستە جىلىنا 600 مىڭ تونناعا جۋىق قوقىس جينالادى. ءبىز ت ق ق سۇرىپتاۋ كەزىندە قالانى تولىق قامتيتىن بولامىز»، - دەيدى ينۆەستيتسيا كومپانياسىنىڭ ديرەكتورى دميتري دانيلچەنكو.

 ول كەشەننىڭ ناقتىلى سىزبا بويىنشا جۇمىس ىستەيتىنىن، سونىڭ ارقاسىندا ت ق ق- دان قاتقىل شيكىزات وندىرۋگە بولاتىندىعىن جەتكىزدى.

 پايدالى شيكىزات الۋ ءۇشىن قوقىس وڭدەلەر الدىندا سۇرىپتالادى. ياعني قوقىس قۇرامىنداعى ءىرى زاتتار، ءتۇرلى- ءتۇستى جانە قارا مەتالدار، اينەك پەن پلاستيك الىنىپ تاستالادى.

 قالدىقتىڭ جالپى كولەمىنەن 50 مىڭ تونناعا جۋىق ەكىنشى شيكىزات الۋ جوسپارلانعان. سونىڭ ىشىندە: پەت - 31 پايىز؛ كارتون -  24 پايىز؛ سەللوفان - % 8؛ اينەك - % 29؛ پلاستيك - % 7؛ مەتالل -% 7.

 الىنعان ەكىنشى شيكىزات ودان ءارى وڭدەۋ ءۇشىن وزگە ءوندىرىس ورىندارىنا جىبەرىلەدى. وسىلايشا شارۋاشىلىق اينالىمى ىسكە اسادى.

جوبا جۇزەگە اسقان جاعدايدا 530 جاڭا جۇمىس ورنى اشىلادى. سونىمەن قاتار، زاۋىت اينالاسىندا ەكىنشى شيكىزاتتى وڭدەيتىن ۋچاسكەلەر اشۋ جوسپارلانعان.

قوقىس سۇرىپتاۋ كەشەنىنىڭ اشىلۋى الماتى ءۇشىن وتە ماڭىزدى. ويتكەنى، قالادا تۇرمىستىق قاتقىل قالدىقتار بارلىق كوممۋنالدى قوقىستىڭ % 95- ىن قۇرايدى.

اۆتور: گۇلميرا عوسمانالي