03:02, 10 - تامىز 2018 | GMT +5
ەجەلگى وركەنيەتكە تيەسىلى جۇمباق قابىر تابىلدى
استانا. قازاقپارات - ارحەلوگتار مەكسيكاداعى قازبا جۇمىستارى ناتيجەسىندە بۇدان 7 مىڭ جىل بۇرىن ءومىر سۇرگەن مايالىقتاردىڭ ارعى اتاسى ەسەپتەلەتىن ادام سۇيەكتەرىن، ونىڭ ىشىندە ءبىرتۇرلى ۇزىن باس سۇيەكتەرىن تاپتى.
بۇل سول كەزدەرى امەريكا قۇرلىعىندا پايدا بولىپ جاتقان وركەنيەتتەن حابار بەرەتىن ەڭ كونە دەرەككوزدەر. زەرتتەۋشىلەر مەكسيكانىڭ وڭتۇستىگىندە تاباسكو شتاتىنداعى ۇڭگىردەن ءۇش ادام قاڭقاسىن تاپقان.
ساراپتاما ناتيجەسىندە ەكى قاڭقانىڭ جاسى 4 مىڭ جىل، ءۇشىنشىسىنىڭ جاسى 7 مىڭ جىل ەكەنى انىقتالدى. سول داۋىردەگى ادامدار ەندى كوشپەلى تۇرمىس تارىزىنە وتە باستاعان. ارحەولوگتاردىڭ ايتۋىنشا، ۇڭگىر مايالىقتارعا تۇراق ەمەس، قاسيەتتى راسىمدەردى اتقاراتىن، قۇرباندىق شالاتىن جەر بولعان ەكەن. زەرتتەۋلەرگە قاراعاندا، باس سۇيەكتىڭ ەرەكشە ۇزىن بولۋى مايالىقتار ءۇشىن سۇلۋلىق پەن ابىروي بەلگىسى بولعان.
