بالانىڭ ءتىلىن قالاي تابۋعا بولادى؟
ءبىراق ولاردىڭ بىرەۋى باسىمىراق بولادى. بالادا قابىلداۋدىڭ مۇنداي ەرەكشەلىگى مەكتەپكە دەيىنگى جاستا قالىپتاسادى. بالانىڭ دۇنيەتانۋ الەمىنىڭ ءتيپىن جانە اقپارات قابىلداۋدىڭ باستاما ارناسىن ءبىلۋ ارقىلى ونىڭ ءتىلىن تابۋ، جاقسى ءتۇسىنۋ، كومەكتەسۋ جانە ءتۇسىندىرۋ الدەقايدا وڭاي.
ۆيزۋال بالا كورەتىن اقپاراتقا كوبىرەك سەنەدى. جاڭا ويىنشىقتى جانە باسقا تانىس ەمەس زاتتاردى ءار جاعىنان دۇرىستاپ قاراپ، مۇقيات زەرتتەيدى. قابىلداۋدىڭ كورۋ ارناسى بار بالالار سۋرەت سالعاندى جاقسى كورەدى، وقۋدى جىلدام ۇيرەنەدى، ەرتەگىنى تىڭداعاننان گورى كىتاپتاعى سۋرەتتەرگە قاراعاندى ۇناتادى.
ۆيزۋال ۇلدار كىشكەنتاي دانىشپاندى ەسكە تۇسىرسە، ۆيزۋال قىزدار كىشكەنتاي كەزىنەن باستاپ وزدەرىن ءسانقوي رەتىندە ۇستايدى. ۆيزۋال بالا ءۇشىن ونىڭ كيىمى، قالاي كورىنەتىنى ماڭىزدى. ولالار از قوزعالادى.
ءبىراق، ەرەجە بويىنشا وزدەرىن تىك ۇستاپ، العا قاراپ جۇرەدى. ولار كوپ سويلەمەيدى. ەگەر بالاسى ەشكىممەن ارالاسقىسى كەلمەسە، اتا-اناسى ونىڭ سويلەسۋ قابىلەتىن دامىتۋعا كۇش سالۋ كەرەك بولادى. ۆيزۋال بالا بولاشاق دوستارىن الدىمەن باقىلايدى، سوسىن عانا ورتاق ويىنعا كىرىسەدى. ەگەر باسقا بالالاردىڭ ءبىر جەرى ۇناماي قالسا، بالا ۇزاققا دەيىن جالعىز ويناۋى مۇمكىن.
ۆيزۋال بالالار - ءاردايىم ءوز مۇراتىن ىزدەيتىن بولاشاق تەورياشىل، رومانتيك، ەستەتيكتەر. ۆيزۋال بالانىڭ ءتىلىن قالاي تابۋ كەرەك؟ ونىڭ قابىلداۋىنا جاقىن جانە تۇسىنىكتى سوزدەر قولدانىڭىز: قاراشى، كورشى، انىقتاپ قارا، كورەسىڭ جانە ت. ب.
ەگەر ءتۇس، اشىقتىق، ناقتىلىق، ءپىشىن، ولشەم، قاشىقتىق، جاعدايىن سۋرەتتەيتىن سوزدەر قولدانساڭىز، وعان قالاعانىڭىزدى ءتۇسىندىرۋ وڭاي بولادى. وقۋ تاپسىرماسىنان ماڭىزدى جەرلەردى اشىق ءتۇستى قارىنداشتارمەن ايقىنداپ قويىڭىز، كەستە رەتىندە سىزىپ بەرىڭىز جانە سۋرەت سالۋ ارقىلى ءتۇسىندىرىڭىز. وعان سولاي جەڭىل بولادى.
ەگەر بالا ەركەلەي باستاسا نەمەسە تىڭداماسا، ەڭ ءتيىمدىسى - قانداي دا ءبىر قيمىلمەن كورسەتۋ. مىسالى: باسىڭىزدى شايقاۋ نەمەسە ساۋساعىڭىزبەن بۇلعاۋ.
اۋديال بالا ءبىرىنشى كەزەكتە دىبىسقا اسەر بەرەدى. ول ەرتە سويلەپ باستايدى، ەستىگەنىن جەڭىل ەستە ساقتايدى، ءبىراق وقۋدى باياۋ ۇيرەنەدى. اۋديال بالالار انگە، اۋديوەرتەگىلەرگە بەي-جاي قارامايدى. وقۋ كەزىندە ولارعا شۋ كەدەرگى كەلتىرەدى، تولىقتاي تىنىشتىق كەرەك. اۋديال وقۋشى ءۇي جۇمىسىن جاساعاندا ەرنىن جىبىرلاتىپ وتىرادى، ال جاقسى جاتتاۋ ءۇشىن سىبىرلاپ قايتالايدى. ول كوپشىل، ءبىراق قوزعالمالى ويىنداردان باس تارتادى.
سوندىقتان اتا- اناسى ولاردىڭ فيزيكالىق دەنساۋلىعى مەن بەلسەندى دەمالۋىنا ەرەكشە ءمان بەرۋ كەرەك. اۋديال بالالاردان بولاشاق كرەاتيۆتى ادامدار مەن كەرەمەت شەشەندەر شىعادى.
اۋديال بالانىڭ ءتىلىن قالاي تابۋ كەرەك؟ ەستۋ قابىلەتىنە جاقىن سوزدەر قولدانىڭىز: تىڭداشى، قۇلاق سالشى، قالاي ەستىلەدى جانە ت. ب. ول ءۇشىن ءسوز قارقىنى مەن ىرعاعى، داۋىس تەمبىرى ماڭىزدى. ءتۇرلى دىبىس ۆارياتسياسىن قولدانۋ ارقىلى وعان اقپاراتتى جەتكىزۋ وڭايعا تۇسەدى. سىبىرلاپ ايتقان ەسكەرتۋ ونىڭ زەيىنىن جاقسى اۋدارتادى. اۋديال بالاعا جاقسىلاپ ءتۇسىندىرىپ، ايتىپ بەرسەڭىز، ول ءسىزدى قىزىعۋشىلىقپەن تىڭدايدى. جىلاپ وتىرعان اۋديال بالانى اناسىنىڭ نەمەسە باسقا جاقىنىنىڭ داۋىسى تەز جۇباتادى.
كينەستەتيك بالانىڭ قابىلداۋ ارناسىندا جاناسۋ باسىمىراق بولىپ كەلەدى. ول سيپاعانعا، يىسكە جانە دامگە ءمان بەرەدى. كىشكەنتاي كينەستەتيكتەردىڭ موتوريكاسى جاقسى دامىعان. ولار ەرتە ءجۇرىپ باستايدى جانە وتە كوپ قوزعالادى. تاماققا تالعامپازداۋ كەلەدى. بالاباقشادا كينەستەتيك بالا بەلسەندى ويىندارعا ءبىرىنشى بولىپ قاتىسادى، سوندىقتان دا جاراقاتتانۋعا جاقىن. ونىڭ باسقا قۇشتارلىعى - ويىنشىقتاردى قاراۋ. وسىلاي بولاشاق زەرتتەۋشى ويانادى.
كينەستەتيك بالا ءبىر ورىندا ۇزاق وتىرا المايدى، ءبىر عانا زاتقا ۇزاق زەيىن قويا المايدى جانە ول اينالاسىنداعى ءار نارسەگە كەز كەلگەن سەبەپپەن الاڭداي بەرەدى. ءۇي جۇمىسىن جاساۋ كەزىندە ءبىر ورىندا كۇشتەپ وتىرعىزىپ قويماڭىز، اراسىندا جۇگىرىپ كەلۋىنە، قوزعالۋىنا مۇمكىندىك بەرىڭىز. كينەستەتيك بالاعا جاناسۋ سەزىمى ماڭىزدى بولعاندىقتان، ونى ءجيى سيپاڭىز، قۇشىقتاڭىز جانە ءسۇيىڭىز. وعان «جارايسىڭ» دەپ ايتقان كەزدە باسىنان سيپاۋدى ۇمىتپاڭىز. كينەستەتيك بالا اتا- اناسىنا، اسىرەسە، اناسىنا اسا جاقىن بولادى.
ۇزاققا دەيىن قولدان تۇسپەيدى نەمەسە اتا- اناسىنىڭ الدىنا كەلىپ وتىرادى. كينەستەتيك بالانىڭ ءتىلىن قالاي تابۋ كەرەك؟ دەنە ارقىلى سەزىنۋگە جاقىن سوزدەردى قولدانىڭىز: ۇستاپ كور، سەز، يىسكەشى، ءدامىن كورشى جانە ت. ب. ول تەكستۋراسىنا، سالماعىنا، تەمپەراتۋراسىنا قاتىستى سوزدەرگە ءمان بەرەدى. كينەستەتيكتەردىڭ كوپشىلىگى سەزىمتال بولىپ كەلەدى.
ونى اسىرا ماقتاۋ قيىن. ءبىراق ءبىر كۇنى ونى تارتاتىن نارسەگە دەگەن ىقىلاسىن كەتىرسەڭىز، ودان ءپاسسيۆتى ادام شىعادى. وعان اقپاراتتى ءتۇسىندىرۋ كەزىندە «شۋلاما» دەۋدىڭ ورنىنا «تىنىش وتىر» دەگەن سەكىلدى سويلەۋ كەرەك.
Massaget.kz
