كاسپي كونۆەنتسياسىنا قول قويۋدىڭ قازاقستان كەلەشەگى ءۇشىن ماڭىزى قانداي؟
«ساميتتەن دامەمىز زور. كاسپي تەڭىزىنىڭ قۇقىقتىق مارتەبەسى جونىندە كونۆەنتسيا جوباسى 25 جىل بويى كەلىسىلىپ كەلە جاتىر جانە بۇل ماسەلە بارلىق بەس تاراپ ءۇشىن ماڭىزدى بولدى. ءبىز سوڭعى ۋاقىتتا تاراپتاردىڭ پوزيتسيالارى جاقىنداي تۇسكەنىن بايقادىق. بۇل باتۋالاستىققا الىپ كەلەدى دەپ ۇمىتتەنەمىز. وتكەن جىلدىڭ جەلتوقسان ايىندا كونۆەنتسيا جوباسى جاسالىپ، بۇگىندە قازاقستاندىق ديپلوماتتارمەن قاتار شەتەلدىكتەر دە اقتاۋ سامميتىندە كونۆەنتسياعا قول قويىلاتىنى تۋرالى ابايلاپ قانا ايتىپ ءجۇر»، - دەدى ق س ز ي حالىقارالىق زەرتتەۋلەر ءبولىمىنىڭ اعا عىلىمي قىزمەتكەرى.
ونىڭ ايتۋىنشا، كەلىسسوز جۇرگىزۋ پروتسەسىنىڭ باسىندا كەيبىر قاتىسۋشىلار قاتاڭ پوزيتسيا ۇستانىپ، كەي ماسەلەلەردە قاراما-قايشى پىكىر بىلدىرگەن.
«ءوزارا تالقىلاپ، كەلىسۋدى قاجەت ەتەتىن كوپتەگەن وزگەشەلىكتەر بولدى. بۇل تۇرعىدا قازاقستاننىڭ پوزيتسياسى ب ۇ ۇ- نىڭ 1982-جىلعى حالىقارالىق تەڭىز قۇقىعى جونىندەگى كونۆەنتسياسىنىڭ كاسپي تەڭىزىنىڭ ەرەكشە مارتەبەسىن كورسەتەتىن وزگەشەلىكتەرىن پايدالانۋعا نەگىزدەلۋىمەن ءتيىمدى بولدى. كاسپي - ەرەكشە تەڭىز، سوندىقتان وعان جالپىلاي قاراۋعا بولمايدى. قازاقستان تاراپتاردىڭ پوزيتسيالارىن جاقىنداستىرۋ ءۇشىن كوپ جۇمىس جاسادى»، - دەدى مامان.
قۇجاتقا قول قويۋدىڭ قازاقستاننىڭ كەلەشەگىنە اسەرى جايىندا ايتار بولساق، رەشەتنياك ەلىمىزدىڭ ترانزيتتىك الەۋەتىنىڭ ارتۋىنا زور مۇمكىندىكتەر تۋاتىنىن ەرەكشە اتاپ كەتتى.
«كونۆەنتسيا جوباسى الەمدىك تەڭىزگە شىعا المايتىن ىشكى ەلدەرگە جول اشىپ بەرەدى. مىسالى، يران ارقىلى پارسى شىعاناعىنا اتتانۋعا بولادى. بۇل ترانزيتتىك تۇرعىدان الىپ قاراعاندا، جاڭا مۇمكىندىكتەر تۋاتىنىن كورسەتەدى. كاسپي ءتۇبى بويىمەن قۇبىر جەلىسىن سالۋ تۋرالى قايتا كەلىسسوزدەر ءوتۋى ابدەن مۇمكىن»، - دەپ تۇيىندەدى ا. رەشەتنياك.
