ا ق ش- تا ۇستالعان قازاقستاندىق ءۇش ازاماتشانىڭ سوتى باستالدى
«2018-جىلدىڭ 8- تامىزدا وسى ءىس بويىنشا ءبىرىنشى سوت تىڭدالىمى ءوتتى. ءبىزدىڭ وتانداستارىمىزعا اقشا جىمقىرۋمەن اينالىسقان قىلمىسكەرلەرگە قاتىسى بار دەگەن ايىپ تاعىلدى»، - دەلىنگەن ق ر س ءى م حابارلاماسىندا.
كەلەسى سوت وتىرىسى 2018-جىلدىڭ قازانىنا بەلگىلەندى.
ەسكە سالا كەتەيىك، وسىعان دەيىن ءۇش قازاقستاندىق پەن تاعى 22 ادامنىڭ ا ق ش- تا كولىكتەردى ساتىپ، ءىرى كولەمدەگى الاياقتىق جاسادى دەپ ايىپتالىپ جاتقانى حابارلانعان بولاتىن.
پروكۋراتۋرا مالىمەتىنشە، وسى ىستەگى ءاربىر فيگۋرانت 30 جىلعا دەيىن باس بوستاندىعىنان ايىرىلۋى مۇمكىن. سونداي-اق، اقشا جىمقىرۋ ماقساتىندا الدىن الا كەلىسىمگە كەلىپ جۇمىس ىستەگەندەرى ءۇشىن ءارقايسىسى 20 جىلعا سوتتالۋى مۇمكىن ەكەنى ايتىلادى.
كەيىنىرەك ق ر س ءى م وكىلدەرى وسى ءىستىڭ ءمان-جايىن ايتىپ بەرگەن بولاتىن. س ءى م رەسمي وكىلى ايبەك سمادياروۆتىڭ ايتۋىنشا، نيۋ-يوركتەگى قازاقستان كونسۋلدىعىنىڭ وكىلدەرى ا ق ش- تا ۇستالعان ازاماتشالاردىڭ زاڭدى مۇددەلەرى مەن قۇقىقتارىن قورعاۋ بويىنشا قاجەتتى بارلىق كونسۋلدىق-قۇقىقتىق كومەكتى كورسەتىپ جاتىر. سونداي-اق، ول ۇستالعان ازاماتشالاردىڭ 1994، 1991 جانە 1970-جىلعى ەكەنىن ايتىپ وتكەن ەدى.
