شۆەيتساريادا اشىق اسپان استىنداعى «ءنول جۇلدىزدى» قوناق ءۇي اشىلدى

 استانا. قازاقپارات - شۆەيتساريانىڭ توگگەنبۋرگ وكرۋگىندە شاتىرى مەن قابىرعاسى جوق قوناق ءۇي اشىلدى.

مۇنداي ەرەكشە قوناق ءۇيدىڭ ءبىر تۇنىنە 103 مىڭ تەڭگە تولەيسىز، - دەپ حابارلايدى Design Boom.

اشىق اسپان استىندا جاتاتىن بۇل وزگەشە قوناقۇيدە ازىرشە تەك ءۇش بولمە بار. قوناقتاردىڭ بولمەسىنە كوفە شىنىسى، تاڭعى اس، الكوگولسىز سۋسىندار مەن اۋا رايى وزگەرگەن كەزدە جاعداي جاساپ بەرەتىن قىزمەتتەر كورسەتىلەدى.

جاۋىن-شاشىن مەن نايزاعاي كەزىندە تۇتىنۋشىلار قوناق ۇيدەن الىس ەمەس تامدا تۇنەي الادى. قوناق ءۇي اشىلعان كەزدەن باستاپ كوپتەگەن ادامنىڭ قىزىعۋشىلىعىن تۋدىرىپ، شەت جاقتاردان ادامدار اعىلىپ كەلىپ جاتىر. مۇنداي ەرەكشە قوناق ۇيدە تۇنەۋ ءۇشىن الدىن الا جازىلۋ كەرەك ەكەن.

Kaz.tengrinews.kz