ترامپ پۋتينگە حات بەرىپ جىبەردى

 استانا. قازاقپارات - امەريكالىق سەناتور رەند پول ۆلاديمير پۋتيننىڭ اكىمشىلىگىنە ا ق ش ليدەرى دونالد ترامپتىڭ حاتىن جەتكىزدى، - دەپ حابارلايدى ر ي ا نوۆوستي.

«پرەزيدەنت ترامپتىڭ حاتىن پرەزيدەنت ۆلاديمير ءپۋتيننىڭ اكىمشىلىگىنە جەتكىزۋ مەن ءۇشىن مارتەبە. حاتتا ءتۇرلى سالاداعى الداعى قارىم-قاتىناستىڭ ماڭىزدىلىعىنا ءمان بەرىلگەن، ونىڭ ىشىندە تەرروريزممەن كۇرەس، زاڭ سالاسىندا ديالوگتى كەڭەيتۋ جانە مادەني ايىرباستى قالپىنا كەلتىرۋ ماسەلەلەرى بار»، - دەپ جازدى ول Twitter جەلىسىندەگى پاراقشاسىندا.

پرەزيدەنتتىڭ باسپا ءسوز حاتشىسى دميتري پەسكوۆ پۋتينگە حاتتىڭ «ديپلوماتيالىق جولدار» ارقىلى جەتكىزىلگەنىن، ءبىراق كرەملدەگىلەردىڭ حاتتى ءالى وقىماعانىن ايتتى.

وسى اپتادا ماسكەۋگە امەريكالىق سەناتورلار دەلاگاتسياسى كەلگەن، ولاردىڭ قاتارىندا پولمەن قاتار تەحاس شتاتىنىڭ زاڭناما جينالىسى سەناتى مۇشەسى دون حاففاينس جانە كاتونا ينستيتۋتىنىڭ پرەزيدەنتى پيتەر گەتتلەر بار. دۇيسەنبى مەن سەيسەنبىدە ولار رەسەيلىك ۇكىمەت مۇشەلەرىمەن كەزدەسكەن.

پول دەپۋتاتتارمەن سيرياداعى جانە ۋكراينانىڭ وڭتۇستىك-شىعىسىنداعى جاعدايدى، سونداي-اق امەريكا قۇراما شتاتتارىندا ۇستالعان رەسەيلىك ماريا بۋتينانى تالقىلاعان. پول رەسەيگە جاساعان ساپارىنا كوڭىلى تولاتىنىن مالىمدەدى. ۆلاديمير پۋتين مەن دونالد ترامپتىڭ العاشقى تولىقفورماتتى كەزدەسۋى 16- شىلدەدە حەلسينكيدەگى پرەزيدەنت سارايىندا وتكەن.

ليدەرلەر بارلىعى 4 ساعاتتاي سويلەسكەن، اڭگىمەنىڭ كوپ بولىگى جابىق تارتىپتە ءوتتى. تاراپتار كەزدەسۋگە جاقسى باعا بەرىپ، كەلەشەكتەگى بايلانىستىڭ جاقسارا تۇسەتىنىن جوققا شىعارمادى.