سۋ استىندا دا جۇمىس ىستەيتىن نوۋتبۋك جاسالدى

 استانا. قازاقپارات - سۋعا سالسا باتپايتىن بۇل ديەۆايس Uncia دەپ اتالادى.

Raytheon كومپانياسى جاساپ شىعارعان بۇل قۇرىلعى سۋ ىشىندە دە ءوز جۇمىسىن توقتاتپايتىن الەمدەگى العاشقى نوۋتبۋك.

ول China Joy قىتاي كورمەسىندە رەسمي تۇردە تانىستىرىلدى. قۇرىلعى 13 ديۋيمدى ديسپلەيگە يە جانە سىرتقى كورپۋسىنىڭ قالىڭدىعى - 12,7 ميليمەتر، سالماعى - 1,1 كەلى.

ديەۆايس شاڭنىڭ، سۋدىڭ كىرۋىنەن قورعايتىن ستاندارتتى IP68 دەڭگەيىمەن قورعالادى. China Joy تانىستىرىلىمى كەزىندە قۇرىلعى جيىنعا قاتىسۋشىلار الدىندا سۋعا باتىرىلىپ، سىناقتان وتكىزىلدى.

 

سايكەسىنشە، ول سۋ استىندا دا ءوز جۇمىسىن ەش قيىندىقسىز ءارى قاراي جالعاستىردى. Uncia نوۋتبۋگى Intel Core i7-8550U ءتورت يادەرلى پروتسەسسورىمەن جۇمىس جاسايدى. ونىڭ نارىقتاعى باعاسى جانە قاي ۋاقىتتا ساتىلىمعا شىعاتىنى جايلى ناقتى اقپارات رەسمي تۇردە جاريالانبادى.

Massaget.kz