فۋتبول: «چەلسي» الەمنىڭ ەڭ قىمبات قاقپاشىسىن ساتىپ الدى

استانا. قازاقپارات - 23 جاستاعى قاقپاشىنىڭ ترانسفەرى 80 ميلليون ەۋروعا باعالاندى، دەپ حابارلايدى قازاقپارات Guardian-عا سىلتەمە جاساپ.

اتالعان باسىلىمىنىڭ جازۋىنشا، يسپانيانىڭ «اتلەتيك بيلباو» كلۋبىنىڭ قاقپاشىسى كەپا ارريسابالاگا بۇگىن مادريدتە ادۆوكاتتارىمەن بىرگە انگليانىڭ «لوندون» كلۋبىنان قاجەتتى قارجىنى الىپ، يسپانيالىق كلۋبپەن جاساسقان كەلىسىمشارتىن ءبىرجاقتى تارتىپپەن بۇزۋ ءۇشىن ءتيىستى وتەماقىنى (كلاۋسۋلا) تولەگەن.

مۇنى «اتلەتيك» تاراپى دا راستادى.

«كەپا ارريسابالاگا «Athletic Club» پەن جاساسقان كەلىسىمشارتىن ءبىرجاقتى تارتىپپەن بۇزۋ ءۇشىن ءتيىستى تالاپتاردىڭ بارلىعىن ورىندادى. كەلىسىمشارتتا كورسەتىلگەن وتەماقى سوماسى تولىقتاي تولەندى. «اتلەتيك» فۋتبولشىعا ءبىزدىڭ كلۋبقا قوسقان ۇلەسى ءۇشىن العىس بىلدىرەدى»، - دەلىنگەن كلۋبتىڭ سايتىنداعى رەسمي حابارلاماسىندا.

وسىلايشا، كەپا ارريسابالاگا الەمدەگى ەڭ قىمبات قاقپاشىعا اينالدى.