قازاقستاندا مەملەكەتتىك قىزمەتكە كەلۋشىلەر سانى جىل ساناپ ارتۋدا

استانا. قازاقپارات - مەملەكەتتىك ورگانداردا جۇمىس ىستەۋشىلەردىڭ سانى ارتىپ، مەريتوكراتيا قاعيدالارى قاتاڭ ساقتالاتىن بولدى، دەپ حابارلايدى قازاقپارات ءتىلشىسى.

بۇل تۋرالى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ دەپارتامەنت ديرەكتورى جارقىن تىلەۋكەنوۆ باسپا ءسوز ءماسليحاتىندا ايتتى.

«بيىل مەملەكەتتىك قىزمەتكە قابىلدانعاندار سانى وتكەن جىلدىڭ وسى كەزەڭىمەن سالىستىرعاندا %36 ارتقان. سونىمەن قاتار، مەملەكەتتىك قىزمەتكەرلەردىڭ مەريتوكراتيا قاعيداتتارىن ساقتاۋ ديناميكاسى دا وڭ وزگەرىس كورسەتۋدە. ۇستىمىزدەگى جىلى 2694 مەملەكەتتىك قىزمەتكەر قىزمەت بابىمەن وسكەن، بۇل الدىڭعى جىلمەن سالىستىرعاندا %63 ارتىق»، - دەدى جارقىن تىلەۋكەنوۆ.

مەملەكەتتىك قىزمەتكە اشىق كونكۋرس تۇرىندە، ىرىكتەۋ ارقىلى قابىلدانعاندار سانى %42 ارتتى. تۇراقتى بوس جۇمىس ورىندارىنىڭ سانى %10 تومەندەسە، جەرگىلىكتى جەرلەردە جۇمىستان كەتۋ كورسەتكىشى 5\1 قۇرايدى.

سونىمەن قاتار، دەپارتامەنت باسشىسىنىڭ ايتۋىنشا، مەملەكەتتىك قىزمەتكەرلەردىڭ ىشىندە شەتەلدە ءبىلىم العانداردىڭ سانى مەن كورسەتكىشى ارتقان.

«بيىل شەتەلدىك ءبىلىمى بار 981 قىزمەتكەر بار، بۇل وتكەن جىلعا قاراعاندا %19 ارتىق»، - دەپ اتاپ ءوتتى جارقىن تىلەۋكەنوۆ.