گولوۆكين مەن الۆارەستىڭ بەتپە-بەت كەزدەسۋى جايلى دەرەكتەر شىقتى
TMZ Sports گولوۆكين مەن الۆارەستىڭ جەكپە-جەك الدىندا پروموروليككە ءتۇسىپ جاتقان ۆيدەوسىن جاريالاعان ەدى. پورتال مالىمەتىنشە، ۆيدەو شىلدەنىڭ ورتاسىندا تۇسىرىلگەن، ءبىراق 15 -قىركۇيەككە بەلگىلەنگەن ەكىنشى جەكپە-جەككە دەيىن قوس بوكسشى كەزدەسپەيمىز دەپ ۋادەلەسكەن ەدى.
«كەزدەسۋ قاتتى شيەلەنىستە ءوتتى. بوكسشىلار ءبىر بولمەدە بولىپ، ءبىر-بىرىنە جاساندى سوققىلار جۇمساۋى ءتيىس بولعان ەدى. ولار شىنايى «قاستاستىقتى» كورسەتۋى كەرەك بولدى. سونداي-اق ولار ترەشتوكينگ تە جاساعان»، - دەپ جازادى باسىلىم.
وسى ۆيدەودان سوڭ كورەرمەندەر گولوۆكيننىڭ ارتىق سالماق قوسىپ العانىنا الاڭداۋلى. لەففلەردىڭ ايتۋىنشا، بۇل ۆيدەو مامىردا ءوتۋى ءتيىس بولعان جەكپە-جەككە تۇسىرىلگەن ەكەن. الايدا مەكسيكالىق بوكسشى دوپينگپەن ۇستالىپ، جەكپە-جەك كەيىنگە قالعان ەدى. «بىزگە جاڭا ۆيدەولار جاريالاۋ قاجەت. مەنىڭشە. بۇل «كانەلونىڭ» جانە Golden Boy تاراپىنان شىققان بولۋى كەرەك. شىن مانىندە بۇل ەسكى ۆيدەو... گولوۆكين Big Bear لاگەرىنە كەلمەي تۇرىپ بولعان. مامىرعا بەلگىلەنگەن جەكپە- جەك الدىندا تۇسىرىلگەن ەدى. كوشە توبەلەسى ستيلىندە تۇسىرىلگەن، مەنىڭشە بۇل ۆيدەو 15 -قىركۇيەككە ارنالعان، سەبەبى قوس بوكسشى دا ءبىرىن-ءبىرى شىنىمەن دە جاقتىرمايدى. قازىر ءبىز وسىنداي ۆيدەو تۇسىرەمىز دەپ ايتا المايمىن، سەبەبى گولوۆكين سينكو دە مايو مەرەكەسىنىڭ قارساڭىندا ءوتۋى كەرەك بولعان جەكپە-جەكتە الۆارەس ءوزى قاتەلىك جىبەردى. كەرىسىنشە «كانەلو» GGG مەن ابەل سانچەستىڭ ايتقان سوزدەرىنە اشۋلاندى. قولىمىزدا ۇلكەن جەكپە- جەك، بۇل ەندى ناعىز شايقاس بولاتىنى ءسوزسىز»، - دەدى لەففلەر K. O. Artist Sports باسىلىمىنا بەرگەن سۇحباتىندا.
ولاردىڭ ەكىنشى كەزدەسۋى 15 -قىركۇيەكتە ا ق ش-تىڭ نەۆادا شتاتىنداعى لاس-ۆەگاس قالاسىنداعى T- Mobile ارەناسىندا وتەدى. ءبىر جىل بۇرىن ءدال وسى جەردە قوس بوكسشى كىم مىقتىنى انىقتاي الماعان ەدى.
Kaz.tengrinews.kz
