ماسكەۋدە ايگىلى «تاكسي» فيلمىنىڭ اكتەرىن نە ءۇشىن ۇرىپ كەتتى

 استانا. قازاقپارات - اكتەردى ۇرعان ەر ادام ءوز ارەكەتىن ءتۇسىندىردى.

ەر ادام اكتەر سامي ناسەريدى ماسكەۋدەگى "ۆويس"كلۋبىندا ۇرعان. ايتۋىنشا، «تاكسي» جۇلدىزى مەن ونىڭ اعاسى ەرسى قىلىقتار كورسەتكەن.

«ناسەري كلۋب قىزمەتكەرلەرىنە كوتەرىڭكى داۋىسپەن سويلەپ، «قولىن كوتەرە» باستادى»، - دەيدى ول.

اكتەر اعاسىمەن عانا ەمەس، ءبىر توپ دوسىمەن جۇرگەن. بارلىعى 9 ادام بولدى. ونىڭ ەكەۋى قىز.

ەر ادام قوناقتاردىڭ ءوزىن جوعارى ۇستاپ، اقىسىن تولەمەي جاتقانىن كورگەندىكتەن ىسكە ارالاسپاق بولادى.

«مەن ونى يتەرىپ جىبەردىم. سوسىن توبەلەسىپ كەتتىك. ول اكىمشىمەن بىرگە تۇرعان. ونى ازداپ يتەرگەندەي ەدىم، جۇدىرىق الا جۇگىردى»، - دەيدى جاۋاپ بەرۋشى.

اكتەرگە وتا جاساۋعا تۋرا كەلگەن.