بىشكەك قالاسىنا جاڭا مەر سايلاندى

بىشكەك. قازاقپارات - ازيز سۋراكماتوۆ بىشكەكتىڭ مەرى بولىپ سايلاندى، دەپ حابارلايدى قازاقپارات ءتىلشىسى.

قىرعىزستان استاناسىنىڭ جاڭا مەرىن 18-سەسسيادا بىشكەك قالالىق كەڭەسىنىڭ (ب ق ك) دەپۋتاتتارى سايلادى.

سۋراكماتوۆكە 45 دەپۋتاتتىڭ 43 ءى داۋىس بەرىپ، بىرەۋى قارسىلىق تانىتتى. قالا باسشىسىنا جەڭىسكە جەتۋ ءۇشىن 23 داۋىس جيناۋ كەرەك بولعان.

ازيز سۋراكماتوۆ - قادپ، «ونۋگۋۋ-پروگرەسس»، «مەكەنىم قىرعىزستان» جانە «قىرعىزستان» سىندى بەس فراكتسيانىڭ تورتەۋى ەنەتىن ب ق ك مۇشەلەرىنىڭ باسىم كوپشىلىگىنىڭ كواليتسياسى ۇسىنعان جالعىز ۇمىتكەر بولدى. ۇمىتكەرلەردى ۇسىنۋ قۇقىعىنا «رەسپۋبليكا-اتا-جۇرت» وپپوزيتسيالىق فراكتسياسى مەن پرەمەر-مينيستر يە بولدى، الايدا ولار بۇل مۇمكىندىكتى پايدالانبادى.

جاڭادان سايلانعان مەر دەپۋتاتتارعا قولداۋ كورسەتىپ، سەنىم ارتقاندارى ءۇشىن العىسىن ءبىلدىردى. «قالا دامۋى كەرەك، بيۋجەتتىڭ كىرىسىن ۇلعايتىپ، ينفراقۇرىلىم، الەۋمەتتىك-ەكونوميكالىق، ەكولوگيالىق جانە باسقا باعىتتارداعى ماسەلەلەردىڭ شەشىمىن تابۋ قاجەت»، - دەدى ا. سۋراكماتوۆ.

ەلوردا باسشىسىن سايلاۋ كەزىندە قالا تۇرعىندارى اكىمدىك الدىندا مەردى بالاماسىز سايلاۋ ىسىنە قارسى ميتينگ وتكىزدى.

ەسكە سالايىق، 13- شىلدە كۇنى بىشكەك قالالىق كەنەش دەپۋتاتتارى قالا مەرى البەك يبرايموۆكە سەنىمسىزدىك ۆوتۋمىن ءبىلدىرىپ، وتستاۆكاعا كەتۋىن تالاپ ەتكەن بولاتىن.