مەيرامبەك بەسبايەۆ باستاعان جۇلدىزدار وتاندىق فۋتبولدى جارنامالايدى

استانا. قازاقپارات - ون ءبىر ادامنان قۇرالعان وتاندىق ەسترادا، كينو جانە تەليەۆيزيا جۇلدىزدارى قازاقستان فۋتبول فەدەراتسياسىمەن مەموراندۋمعا قول قويدى، دەپ حابارلايدى قازاقپارات قفف رەسمي سايتىنا سىلتەمە جاساپ.

جۇلدىزدار قاتارىندا مەيرامبەك بەسبايەۆ، ەركە ەسماحان، نۇرلان قويانبايەۆ، اسەل ءسادۋاقاسوۆا، نۇرجان كەرمەنبايەۆ، لۋينا، نۇرلان ەسپانوۆ، ءجانيا دجۋرينسكايا، مارات ورالعازين، گۇلناز جولانوۆا، ايان بىربايەۆ بار. تانىمال تۇلعالار فەدەراتسيا برەندىن جارنامالايتىن بولدى.

برەند- امباسسادور - ۇيىم نەمەسە كومپانيانىڭ ءونىمىن جارنامالاپ، تانىمال ەتەتىن ادام.

تاڭدالعان جۇلدىزداردىڭ الەۋمەتتىك جەلىدە مىڭداعان نەمەسە ميلليونداعان وقىرمانى بار. قازاقستان فۋتبول فەدەراتسياسى اتالعان امباسسادورلاردىڭ الەۋمەتتىك جەلىسى ارقىلى ۇلتتىق قۇراما ويىندارى مەن شارالارىن حابارلايدى.

برەند- امباسسادورلار ءوز مىندەتتەرىنە الداعى ۋاقىتتا كىرىسەدى. ولار ۋەفا- نىڭ جاڭا تۋرنيرىندەگى ۇلتتار ليگاسىندا قازاقستان مەن گرۋزيا اراسىنداعى ويىن تۋرالى الدىن الا حابارلايدى. كەزدەسۋ 6 - قىركۇيەك كۇنى «استانا ارەنا» ستاديونىندا وتەدى.